Die afrigter van Bafana Bafana, Hugo Broos, erken dat hy teleurgesteld is na die span se uitskakeling in die rondte van 16 by die Afrikabekertoernooi in Marokko. Bafana het met 2-1 teen die vyfmalige kampioene, Kameroen, verloor. Broos het met die span se aankoms by OR Tambo Internasionale Lughawe gesê daar was hoë verwagtinge van die voormalige bronsmedaljewenners, maar die kompetisie was hierdie keer moeiliker. Hy het bevestig die fokus verskuif nou na kwalifisering vir die 2026 FIFA Wêreldbeker in Kanada, Mexiko en die Verenigde State: