Buhay Panalangin | The Hugot Panalangin Podcast

Sa Ikalawang Linggo ng Adbyento, muli tayong gagabayan ni Rainier Marquez sa ating patuloy na pagninilay at paghahanda sa darating na Pasko ng Kapanganakan ni Hesus. Maririnig natin sa Ebanghelyo ang pagpapahayag ni San Juan Bautista ng pagsisisi at pagtalikdan sa mga masasamang gawain bilang paghahanda sa pagdating ng Panginoon. #HugotPanalangin #BuhayPanalanginPodcast

Sa pagsisimula ng Adbyento ngayong 2021, sasamahan tayo ni Rainier Marquez na magnilay sa paghahanda natin sa pagdating ng Panginoon sa pag-alala natin sa Kanyang kapanganakan ngayong Kapaskuhan. Totoo nga kayang nagpapahayag na ang mga tanda ng pagdating ng Panginoon ngayong mukhang tumutugma sa Ebanghelyo ngayon ang mga nagagnap sa panahong ito ng Pandemiya? Ang mahalaga, nawa ay nasa atin ang maigting na paghahangad na magalak sa pagdating ng ating Panginoong HesuKristo.

Sa unang episode ng #BuhayPanalangin, sasamahan tayo ni Rainier Marquez na magnilay at manalangin sa Ebanghelio ng Ikatatlumpung Linggo sa Karaniwang Panahon na itinalaga ring "Prison Awareness Sunday." Alalahanin natin sa ating mga dasal ang Persons Deprived with Liberty (PDL) na sana ay maramdaman nila ang pag-ibig ng Diyos sa kabila ng pagkakait sa kanila ng kalayaan.