I dera Episoda wird’s kulinarisch und tüüfgründig! Noch dr wichtigsta Zmorga-Frog (Nutella mit oder ohni Butter?) und dr Entscheidig zwüscha Flaischverzicht und am gliabta Flat White, tauchand dr Ramon und dr Thaddl ab in verruckti Spontan-Abentüür uf London und Kroatiä, d „Füüf Sprocha vo dr Liabi“ und wiso ächti Fründschafta im reala Läba so viel wertvoller sind as 1000 oberflächlighi Kontäkt uf Social Media.

Schnapp dr din Liablingskaffi und gnüss diä patschifigi Folg!

Folg üs uf Instagram: @buendnertalk

In dera Episode isch d’Saphira us Chur z Gast, wo mit 20 Johr bereits a halbs Johr in Kanada verbrocht hät. Sie verzellt üs vo dr kanadischa Witi, vo unbeschwärta Momenta in ara Lodge am See und worum d’Offeheit vo da Kanadier ihres Bild vom Mitanand komplett uf dr Kopf gstellt hät. Miar redand drüber, worum miar Schwizer üs amol a Schiiba vo dera Hilfsbereitschaft abschniida könntend, egal ob’s um a spontans „Grüazi“ uf dr Gass goht oder drum, ara fremda Person am Bahnhof Chur d’Iikaufstascha z’traga oder amol spontan s’Joghurt z’zahla.

Aber miar bliband nit nur an dr Oberflächi, sondern gönnd döt hi, wo’s persönlich wird, zur Frog, wia viel ma eigentlich in a Fründschaft investiera muass und worum Ehrlichkeit am Endi alles entscheidet. Miar diskutierand drüber, wia mer erkennt, ob a Bezüchig eim Energie git oder raubt, worum mer sich au amol dörf usanandläba und wia wichtig ächti Präsenz hützutags isch.

D Saphira verzellt üs au, worum sie Team Velo isch, au wenn ihres pinka Stadtvelo eigentlich ready für dr Schrotthufa wär. Freu di uf a Gspröch über d’Kunscht vum Hilf-Anneh, dr Mut zu echta Gspröch und dr zentrala Frog: Was investiersch du in a Fründschaft?

Folg üs uf Instagram: @buendnertalk

Hüt wird’s im Bündnertalk so persönlich und ächt wia no nia. I dr neusta Episoda sitzand d’Elena und i im Studio. Miar redand über as Erläbnis vor weniga Täg, wo üses Läba fast für immer veränderet hätt.

Uf ara Wanderig zwüscha am Fürhörnli und am Montalin bini uf 2000 Meter Höhchi usgrutscht und 150 Meter an 45-Grad steila Hang abagstürzt, han mi mehrmols überschlaga und bi schlussändlich im steila Hang ligga bliba. D’Elena hät dr ganzi Absturz müassa mitaluaga und hät im erschta Momänt gmaint, das i sterba.

I dera Episoda teiland miar baidi ganz offa üsi Sichtwiisa vo dem Tag.

A Episoda über d’Zerbrechlichkeit vum Läba, dr Wärt vu Schutzengel und d’Fähigkeit, au nachama Schock wieder s’Positiva z’gseh. Patschifig, nit perfekt, aber ztiefst ächt.

Folg üs uf Instagram: @buendnertalk

I dera Folg vom Bündnertalk hät dr Ramon dr Ismael us Felsberg zu Gast. Miar redand drüber, wia dr Ismael noch sim erschta Surftrip in Spania d’Abwechslig gschätzt hät, aber trotzdem gera in Graubünda dahai isch.

As kunnt as ehrlichs Gspröch uf über Fehler im Job – wia wenn dr Rasamäher uf Beton trifft – und warum s so wichtig isch, Kollega z’ha, wo eim sägend, dass alles guat kunnt. Dr Ramon verzellt offa vo sim Studiaabbruch und wia eim dr Rat vo Kollega dr Wäg zeiga kann. Zum Schluss erklärt dr Ismael, warum Gfüahl zwar guati Begleiter, aber schlechti Leiter sind und warum er jeda Morga mit 100% Isatz startet. Ganz ächt und patschifig.

Folg üs uf Instagram: @buendnertalk

I dera Folg vom Bündnertalk pickt d’Anne folgendi Frog: Welli Eigaschafta bewunderisch du an anerna Lüüt?

Folg üs uf Instagram: @buendnertalk

Hüt wird’s ehrlich. Mir startend wia gwohnt mit as paar klassischa Entweder-Oder-Froga zum Warmwerda: Dessert oder Kraftsport? Früahufsteher oder Nachtmensch?

Denn tauchand miar aber tüüfer i: Miar redand über dä Schmärz, wo ma nit gseht, aber am maischta gschpührt. Ischs schwirig? Jo. Ischs wichtig? Definitiv.

Folg üs uf Instagram: @buendnertalk

“Miar wönd doch alli nur Glücklich sii” das isch öppis wo da Thaddl erkennt hät, doch was wünscht er sich und was für Wünsch machand sicher nid Glücklich. Chama vo Musig süchtig werda oder nid? Um dia und wiiteri Froga gohts i dera Episoda.

Folg üs uf Instagram: @buendnertalk

“As brucht da Winter zum da Summer z gnüssa” – das isch a Grundhaltig wo da Valerie Mirindi het und au usläbt. I dera Episoda redamr über sin Wäg als Standup Comedian, über Gäld, schwirigi Ziita und was einem dabi Hilft zum dura bissa.

Schrib doch ind Kommentär was diar in schwiriga Ziita gholfa het.

Folg üs uf Instagram: @buendnertalk

Alli Fraua findends guat. D Annemarie au. An Ma muas an Veloschluch wechsla chönna. Das isch as super Indiz für handwärklichi Begabig. Über sötigi und anderi wichtigi Kriteria diskuatiaramer i dera Episoda.

Quizfrog and Tiarliabhaber: Was für as Tiarli pfiift im Intro und Outro?

Folg üs uf Instagram: @buendnertalk

Neui EP jeda zweiti Donnstig, 5i am Morga

Bündnertalk – Ehrlich, spontan und mit Härz

Ächti Gspröch ohni Skript. I, dr Ramon Heeb, träffa spannendi Menscha us Graubünda und vo wiiter wäg. Miar reden über ds Läba, Freud, Arbet, verruckti Idea und alles, was grad so passiert, genau so, wia’s im ächta Läba isch: nit perfekt, aber ächt. Immer patschifig und garantiert nia langwilig!

Folg üs uf Instagram: @buendnertalk