Pu Tolmang hi miphatah ahi. Ahinla gari tol theilou ahi. Tolthei lou sa sa a gari atol a akhosungmite apoh jeh in nung mu kit lou dingin atol mang tai.

Ase apha ahetna modenta. Pathen ginna aumtah lou phat a Chihna lhasamta.

Chuhgo lon lai, changphu lai ahitai. Ahinla masanglai bangin koiman lou ikhoi tapouvin, koiman chang iphut tapouve. Phatsot tah tah lut a chang ana kiphutji chu ni khat nini kah in lou akikhoi in chang akiphut chai ji tai. Ahinla kicholna phat, gol komna phat, Ol-lha aum thei poi. Ol-lha hoi a um hitam?

Pasal khat in Matthew 18:8 asim le ajang akitan chom lo e. Matthew 18:8 jeh a ajang chom ahipon, angol jeh ahi. Pathen thu hi ingolna diu hilou ichihna diu joh ahi.

Gamsung hi miphalou ho jeh a boi ahipoi. Mipha imacha seilou, bollou thipchit chet a umho jeh a boi ahi. Kani jong alei bol ho jeh a boi ahipoi. Houbung ho athip chet jeh uva boi ahi.

Pasal khat jukham pum a gari atol a mi ata le, ahung kipatna Sekmai ahipoi Insung joh a hung kipan ahi.

Ahung lhung ding khangmite kom a thuthot. Keiho bangin hung ngol hih un. Keiho umchan hintho hih beh un. Mi noise le chotpha a naum diu ahi.

Thingphung songphung jong aga thei lou teng nihse ana chen peh ji uve. Pasal khat chu kho khat mingol in ana um'e. Akichou doh a khochom a aum phat in kineppi umtah, lamkai phatah, Houbung lamkai in ahung pange. Ipi jeh ham? Nihse ana chen peh jeh u ahi.

Tutu hin Hou-in hilou Hospital joh ingai u ahi.

Nupi khat in, "kei la phing, kaloipa la phing tin kiletsah tah in ahung sei'e. Kaledoh le "nang la ngol, ama la ngol, angol le angol akisuhto le MINGOL tin alengdoh e.