في الحلقة الأولى بنقلب سوا في محتويات بؤجة جهاد أباظة، اللي رافقتها في رحلتها القاهرة -كاليفورنيا، رايح جاي، وعدت معاها محطات مهمه: ما بين 11 سبتمبر في الولايات المتحدة وثورة 25 يناير في مصر وبعدين حٌكم الجمهوري دونالد ترامب. جهاد صحفية سابقة ومصورة من مصر، وحاليا طالبة دكتوراة في الأنثروبولجي بجامعة في سانت باربرا بأمريكا.
معرفتي بيها بتبدأ من محطة "الصحافة" لما اتقابلنا أول مرة في صيف 2016، ولكن لما بتفتح بؤجتها النهاردة بترجع بيا لمحطات تانية مهمة، مش بس في تاريخها الشخصي، ولكن تاريخنا، الناس اللى جايين من المنطقة العربية.
في المحطة الأولى (00:05:50)
بتحكي لنا ازاي هجمات البرجين في نيويورك و "حرب أمريكا ضد الإرهاب" أثرت على تفاصيل الحياة اليومية للطفلة والمراهقة "المسلمة" و"العربية" في كاليفورنيا. بنعرف منها ازاي أهلها اتعاملوا مع التغطية الإعلامية المنحازة مع اسرائيل تجاه قضية فلسطين؟ إيه الأدوات اللى أبوها وأمها اعتمدوا عليها في تربيتها في مواجهة تحديات زي العنصرية ضد العرب والإسلاموفوبيا؟
في المحطة التانية: (00:41:23)
بترجع جهاد على مصر في وقت مشحون سياسيا ضد مشروع توريث مبارك، وبتتوجه بوصلة رحلتها تجاه الصحافة. ازاي كانت بتنتقل بين طبقات اجتماعية مختلفة من طالبة في الجامعة الأمريكية في القاهرة إلى صحفية بتغطي اعتصامات الطلبة والعمال؟
في المحطة التالته: (01:12:55)
هل طالبة الدكتوراه جهاد بتواجه نفس تحديات طفولتها في أمريكا، بس المرة ده بعد أحداث الشيخ جراح وحركة Black Live Matter؟
تعالو زوروا بؤجة مع بسمة المهدي على:
البودكاست من إخراج وتقديم: بسمة المهدي وتحرير صوتي: انطانيوس اندراوس
ترشيح لبودكاست(ات) صديقة:
لو حابين تعرفوا أكتر عن علاقة أمريكا بالمواطنين الأصليين وحكاية مواطن مصري في أمريكا بعد 11 سبتمبر، ارشح لكم تسمعوا حلقة بودكاست طعمية في الغربة مع عادل إسكندر
تقرير موقع CNN Arabia عن جهاد أباظة https://cnn.it/45ARlJe
ألبومات صور منوعة من مصر وأمريكا على حساب جهاد أباظة على انستجرام https://bit.ly/46EPq7O
مقال موقع قنطرة عن كتاب "الرحلة" - يوميات المصرية رضوى عاشور في أمريكا السبعينيات https://bit.ly/496uwjp
مقالي لموقع المنصة: من مُلامسة النجوم في الميدان إلى تروما الشتات: قصة صحفيي الثورة https://bit.ly/2UfXbyG
تقرير عن اشتباك مدرس ألماني مع طالب يحمل علم فلسطين https://bit.ly/46TVx7K
تقرير عن قرار حكومة برلين حظر ارتداء الكوفية الفلسطينية في المدارس https://bit.ly/406REub
تقرير عن الكاتبة الفلسطينية عدنية شلبي التى ألغى معرض فرانكفورت للكتاب تكريمها https://bit.ly/45AYDNb
