„Ég var ekki eins meðvitaður um þann aðstöðumun sem landsbyggðin býr við, með tilliti til höfuðborgarsvæðisins, sérstaklega í dreifðari byggðunum og þeim sem eru fjærst stærstu byggðakjörnunum. Það er mjög mikilvægt að byggð haldist í landinu öllu, af svo mörgum ástæðum, og til að svo megi verða þá verðum við að reyna að jafna þennan aðstöðumun eins og við getum með einhverjum leiðum. Ein af þeim leiðum eru til dæmis þær lánveitingar sem Byggðastofnun er að veita.“