Pou nouvo nimewo sa a, envite nou se Elder J. Joseph. Li se mizisyen, chantè, pwodiktè epi manm fondatè gwoup Akoustik. Elder grandi epi t ap viv ak 4 frè li genyen yo, e l ap pataje ak nou nan ki pwen sa te difisil pou li chak fwa moun tout kote l pase te konn ap idantifye ak youn oubyen 2 nan frè li yo. Eksperyans sa a te mete l nan sitiyasyon pou l chache tèt li e rive kreye pwòp idantite pa l.