Claquette Nissui Podcast - كلاكيت نسوي بودكاست

ريسر، وعازفة جيتار، ومديرة في شركة! الي سالم بتكسر كل التابوهات وبتثبت إن الست مش لازم تتحط في صندوق واحد وتقدر تنجح في كذا مجال 🏎️🎸.

الأمومة عمرها ما كانت عائق للنجاح، دي هدية ودافع أكبر للإنجاز. ده اللي بتأكده بطلتنا نادية فكري في حلقتنا النهارده، واللي قدرت تكسر الصورة النمطية لرفع الأثقال وتثبت إن الست تقدر تنجح في أي مجال. اسمعوا الحلقة واعرفوا إزاي قدرت توفق بين المعسكرات وبيتها 🎙️✨.

في حلقة جديدة من "كلاكيت نسوي"، بنستضيف تسنيم مدبولي، الصحفية الرياضية ونجمة السوشيال ميديا اللي قدرت تكسر الصورة النمطية في مجال التحليل الرياضي. تسنيم بتشاركنا رحلتها من حب الكورة وتشجيع تشيلسي، لحد ما قدرت تدمج شغفها بالكتابة مع الكورة وتدخل مجال مسيطر عليه الرجالة. حلقة مليانة إلهام لكل بنت بتسعى ورا حلمها ⚽️

"إيه اللي مقعدها وسط الرجالة؟" 🙄 الجملة دي ما وقفتش وئام مصطفى، بالعكس دي خلتها تثبت نفسها أكتر كأشطر مصورة رياضية! 📸🔥 بدعم أهلها وإصرارها، قدرت تحجز مكانها في أكبر البطولات وتصور نجوم كبار زي ساديو ماني. 🌟 لو بتدوري على حاجة تديكي طاقة إيجابية وتخليكي تكملي في حلمك، حلقة النهاردة من "كلاكيت نسوي" هي اللي بتدوري عليها. 🎧💪 اسمعوها من اللينك في البايو!

"احنا مش مخلوقين عشان نبهر بعض، كل واحد ليه تجربته و دوره.." دي فلسفة ضيفتنا كابتن ساره الحاوي، نجمة منتخب مصر لكرة القدم النسائية سابقاً، في حلقتنا الجديدة من بودكاست "كلاكيت نسوي". ساره واجهت اعتراضات عائلية من أعمامها الصعايدة، ومجتمع كامل كان بيرفض وجود البنات في الملاعب، لكنها اختارت العناد الإيجابي والاعتماد على النفس من وهي عندها 15 سنة.

🎙️ في حلقة جريئة وعميقة من “كلاكيت نسوي”، نحاور الصحفية الاستقصائية إيمان الوراقي الحائزة على جوائز دولية، حول الصحافة من منظور نسوي، وتأثير الذكاء الاصطناعي على النساء والمجتمع.

من تحقيق “المتهم الذكي” إلى مبادرة “ثورة الذكاء الاصطناعي”، تكشف إيمان كيف يمكن للتقنيات الحديثة أن تكون أداة للتمكين أو للتمييز، وتحذر من غياب التشريعات والأكواد الأخلاقية في الإعلام.

كما تتحدث عن تجربتها الشخصية مع الوصاية الطبية على أجساد النساء، وتدعو لتغيير الواقع.

حلقة لا تُفوّت!

في حلقة جريئة ومليانة وعي، الناقدة الفنية منار خالد تفتح لنا كواليس عالم النقد النسوي، وتحكي عن رحلتها كست قررت تكون صوت حقيقي جوّه صناعة يسيطر عليها الذكور.

نتكلم عن:

✨ كيف بيتعامل الفن مع صورة المرأة في الدراما والسينما

🎭 وجوه العنف المقنّعة ضد الستات في الأعمال الفنية

🧠 معنى إنك تكوني ناقدة "مبدعة" مش بس محلّلة

💪 وليه وجود الست في النقد نفسه شكل من أشكال المقاومة

"أنا ست في الصناعة… وده دوري إني أتكلم عن الستات، حتى لو تمّ إقصائي من المشهد." — منار خالد

📌 تابعوا الحلقة الكاملة من بودكاست كلاكيت نسوي، واستعدّوا لسماع صوت بيحلل، ويفكّك، ويواجه بصوتٍ واضح لا يُقصى.

#كلاكيت_نسوي #منار_خالد #نقد_نسوي #الدراما_المصرية #فن_ونسوية #Podcast #CinematicVoices

في حلقة استثنائية من بودكاست “كلاكيت نسوي”، نستضيف الأستاذ نجاد البرعي، المحامي والحقوقي المعروف، وأحد الأصوات المدافعة عن العدالة وحقوق الإنسان ،يتحدث البرعي في هذه الحلقة عن مسيرت والدته المهنية الدكتورة كريمة على حسين – إحدى أوائل النساء اللواتي امتهنّ المحاماة في مصر – في تشكيل وعيه الحقوقي وموقفه من قضايا النساء .

#كلاكيت_نسوي #حقوق_المرأة #حرية_التعبير #العدالة #قضايا_النساء #تمكين_المرأة #صوت_الحق #إلهام #وعي_نسوي #قوة_النساء #نقاش_مجتمعي

من قرية صغيرة إلى قلب القاهرة، ومن مدرّسة إلى صحفية حائزة على جائزة سمير قصير للصحافة 2022، تحكي إيمان عادل رحلتها الشجاعة في عالم الصحافة والحرية.

في هذا الحوار الصادق والعميق، تتحدث عن ثورة يناير، وعن المقال الذي كشف أثر “الصحوة الإسلامية” على النساء والمجتمع، وعن الخوف الذي زرعته الفتاوى المتشددة في حياتنا اليومية.

إيمان ترى أن الصحافة ليست بطولة فردية، بل فعل مقاومة وتوثيق للذات ولأصوات الناس المنسيين، وتؤمن أن “الكتابة هي الطريقة الوحيدة للنجاة”.

💬 استمعوا لحوار مليء بالشجاعة والتأمل في معنى الحرية، المرأة، والدين، وكيف يمكن للكلمة أن تهزم الصمت.

#بودكاست_كلاكيت #إيمان_عادل #النسوية #الصحافة #حقوق_المرأة #حرية_التعبير #مصر

حلقة جديدة من #كلاكيت_نسوي مع #نڤين_إسكندر الناشطة النسوية والسياسية

بنحكي عن النسوية كأداة مقاومة، عن صوت الستات اللي مش هامشي، وعن العدالة اللي بتبدأ من الوعي.