Ar an gclár seo, chualamar ó Nikki Ragsdale, amhránaí sean-nóis agus Treoraí na Gaeilge le Comhaltas Cheoltóirí na hÉireann thall i Meiriceá Thuaidh, a bhí i láthair ag roinnt imeachtaí a eagraíodh do chuairt an Uachtaráin Mícheál D. Ó hUigínn i San Francisco na Stát Aontaithe i rith na seachtaine sin. Chomh maith leis sin, chualamar píosa cainte a rinne Naoise Waldron agus Síobhra Aiken ag Seisiún Eolais de chuid Fulbright na hÉireann le déanaí faoin nGaeilge i Montana, i Massachusettes agus go leor eile.