C'mmons baby!

Encetamos ciclo ourobórico en C'mmons baby! Abrimos unha serie de emisións que abriran co mesmo músico co que se pecha a emisión anterior.

Entramentres, na España, hai novo rei, revalidado nun ciclo infinito coma un gif animado (duración: 25'15'').

baixar mp3 / baixar ogg

Ligazóns relacionadas: Candy Says manifesto, Planeta X.

Tantos meses de ausencia e escollo para gravar este día que ando arrefriado para volver... non vos teño remedio. Encanamos coa emisión anterior e seguimos con guitarras, guitarras, guitarras para cargar as pillas (duración: 24'57'').

baixar mp3 / baixar ogg

Ligazóns relacionadas: Lixo Urbano, Desde Boxes, La morsa era yo, Ganapán, Metropolés Delirantes.

Este é o especial 6º cabodano de C'mmons baby! que debería ter saído o 2 de novembro. Chegou tarde, mas chegou, chegou cheo de arrepiantes novas para o proletariado e fermosas historias de medo. Morte e amor loitando xuntos, Tánatos e Eros, cada un nunha aurícula dos teus ouvidos (duración 30'38").

baixar mp3 / baixar ogg

Ligazóns relacionadas: Discos da Máquina, Fundación Robo, Intangible23.

Chegamos con cinco meses de atraso, mais regresamos dispostos a demoler este sistema fedorento, a coller forzas para recuperar o ritmo perdido e construír un novo espazo. (duración 21'13").

baixar mp3 / baixar ogg

Ligazón relacionada: Discos da Máquina.

Regresamos despois do secuestro. Se cadra precisaba tempo para recuperarme da experiencia, mais nunca houbo C'mmons baby! secuestrado que non regresase, e aquí andamos de volta; dando conta dalgunhas novidades que saíran mentres estivemos ausentes (duración 18'45").

baixar mp3 / baixar ogg

Ligazóns relacionadas: El Rancho, Aaahh Records.

Liberado xa, polos amabeis alumnos secuestradores, publico a crónica do que foi unha experiencia tan arrepiante como gostosa. Isto é o que deu de si o Obradoiro de radio e podcasting desta fin de semana en Vedra. Grazas a todos os alumnos (Belén, Concha, Susana, Cristina, Sonia, Cristina, Mónica, Sergio, Lorena, Miguel, Jesús, Cristina e Antón) por facerme pasalo tan ben, por terme axudado a aprender con eles (oxalá eles aprenderan tamén comigo); e grazas tamén á xente de Senunpeso por me chamar para isto. Nos vindeiros días subirei a emisión que tería sido de non ser secuestrado. (duración: 14'46")

Baixar .mp3 / Baixar .ogg

Balbuce o ano 2013, mais imos despedir o 2012 con algúns vellos coñecidos (algúns sen lanzar nada novo desde hai ben tempo) que decidiron regresar con novas músicas a finais deste ano que marchou. Tamén anuncio o obradoiro sobre podcasting e radio en internet que vou dar no LAV 2013 de Vedra no mes de febreiro. (duración: 23'40")

Baixar o mp3 / baixar o ogg

Ligazóns relacionadas: senunpeso.org, Discos da máquina.

Despois de máis de mes e medio de atraso chega o especial 5º cabodano. É pouco especial, a non ser porque é o duplo de longo na duración. Pedimos perdón pola demora e repasamos músicas dalgúns vellos "amigos" e traemos outras dalgúns novos. Tamén anunciamos que de aquí en diante C'mmons baby! vai ser reemitido desde Madrid via Nosuti Radio.
(duración: 34'19")

Baixar o mp3 / baixar o ogg

(Kaleidoscope, 2012 LP)

Ligazóns relacionadas: entrevista a Monk Turner en Cb!; entrevista a Monk Turner en Intangible 23; 189Mhz; We Are Unique Records.

Falta menos dun mes para o noso quinto cabodano e aínda menos para as eleicións galegas. É o momento dos anónimos, é o momento de que fale a maioría calada. É case o único momento no que os políticos se lembran de nós e reparan en que existimos. Ide votar, ho! O noso voto é a nosa voz, a voz da xente da rúa, a voz da xente anónima. (duración: 17'37")

Baixar o mp3 / baixar o ogg

Ligazóns relacionadas: entrevista a Monk Turner en Cb!, entrevista a Monk Turner en Intangible 23, escolma de Monk Turner en onda66; Terbutalina.

Entramos na emisión septuaxésimo quinta, chegados aquí, cumpre reflexionar. Cando comecei con C'mmons baby! pensaba que duraría até os cinco anos ou os cen programas, o que antes chegase; o quinto cabodano está aí á volta e para chegar ás cen emisións faltan polo menos dous anos, agora estou na encrucillada de arriar (como pensara) ou seguir. Isto tamén é voso e quero saber que pensades. (duración: 19'41")

Baixar o mp3

Ligazóns relacionadas: Bad Panda Records; We Are Unique! Records.