“De Enjel säd: ‘De Heilja Jeist woat äwa die komen, un dän Aulahechsten siene Krauft woat aus een Schauten äwa die komen; doawäajen woat dee Heilja, dee von die jebuaren woaren saul, Gott sien Sän jenant woaren.’”

- Lukas 1:35

“Na, de Har, dän ekj deen, woat ut sikj selfst een Tieekjen jäwen: Kjikjt emol. Eene junge Fru woat schwanga, un woat een Junkje haben. Un see woat dän Immanuel nanen. Daut meent: Gott met ons.”

- Jesaja 7:14

"Un see woat eenen Sän to Welt brinjen, dän saust du Jesus nanen, wiels hee woat sien Volkj von äare Sinden raden.”

– Matäus 1:21

Dit es daut Buak von de Jeschicht von Jesus Christus, dee von David staumd… ‘Doa woat opp emma eena von diene Nokomen Kjennich sennen. Dien Kjennichrikj woat opp emma bliewen.’”

- Matäus 1:1; 2 Samuel 7:16

“Hee säd to an: ‘Got en de gaunze Welt nenn un prädicht aule Menschen daut Evangelium.’”

- Markus 16:15

“Got derch daut enje Puat nenn. Wiels daut Puat es wiet un de Wajch es breet, dee en daut vedoawen fieet, un väle gonen dän Wajch; un daut Puat es enj un de Wajch es schmaul, dee toom Läwen fieet, un daut sent mau weinich, dee daut finjen.

- Matäus 7:13 - 14

“Un wautemma see junt doonen sellen, daut doot jie an uk. Daut es waut daut Jesaz un de Profeeten lieren.”

- Matäus 7:12

“Un stalt junt nich soo han aus dise Welt deit. Jie sellen derch june niee Jesennunk veendat woaren, daut jie weeten kjennen, waut Gott sien Wellen, waut goot, aunjenäm un volkomen es.”

- Reema 12:2

“Kjeena kaun twee Haren deenen. Hee woat eenen nich lieden kjennen un von dän aundren väl hoolen. Ooda hee woat aun eenen henjen un dän aundren veachten. Du kaust nich Gott deenen un daut Rikjtum.”

- Matäus 6:24

“Aus dee dän Harn deenden un fausten deeden, säd de Heilja Jeist to an: Sondat mie Barnabas un Saul auf, daut to doonen wuatoo ekj an jeroopt hab. Aus see dan jebät un jefaust hauden, läden see an de Henj opp un leeten an gonen.”

- Aposteljeschicht: 13:2-3