受訪者：吳柏瑋／暗坑文化工作室執行長、蕭文杰／台北教育大學社會與區域發展學系兼任助理教授

💡本集主題介紹：

      這一隻月，脩閔摎桓恩訪問二二八同白色恐怖个行讀講師、政治受難者家屬二代、做文史調查个在地團體、做受難者口述訪談个在地記者，用歷史、文學、族群、語言等等無共樣个角度，討論麼个係「不義遺址」、「不義遺址」个保存有麼个意義，特別係——客家族群个政治受難、在地个人權地景。

       這一集，兩位主持人除忒紹介佢兜自家對台灣這片土地上「不義遺址」个認識、二二八同白色恐怖留下來个「不義遺址」有哪兜特色以外，也希望對「安康接待室」這个例仔，帶大家認識、了解不義遺址概念在台灣个發展。

👂本集節目重點：

    ➢二二八摎白色恐怖个國家暴力性質有哪兜無共樣，不義遺址个地點仰般反映國家暴力運作樣態？

    ➢ 安康接待室，最早係「原司法行政部調查局安康接待室」，在威權統治時期係做麼个用？

    ➢調查局離開安康接待室過後，安康接待室變作一个無人知个所在，麼个時節又開始分人發現？

    ➢像安康接待室恁樣形保存完整个不義遺址，未來有哪兜保存个可能性？

學兜仔客家話 & 延伸思考

   「你對自家个家鄉、甚至係講戴个附近，以前發生過哪兜事情，有一息息仔了解無？」