Nassût intune famee di colonos a Visc tal 1895, Giovanni Minut al cognòs il socialisim e dopo de prime vuere mondiâl al inmanee manifestazions e siopars, prime di jessi obleât a scjampâ in Argjentine par lis sôs ideis. In Friûl ce che al reste al è un librut di poesiis vignût fûr tal 1921 e clamât Rimis furlanis, un libri che forsit sarès stât dismenteât se nol fos stât par Pier Paolo Pasolini, che al à ricognossût la grandece di une opare che e mostrave la realtât de vite contadine.

E son trê dîs che al è passât Nadâl e Toni al à cjapât une vore mâl la cuistion di Nine. Al è tal jet, al çavarie e nol sta nuie ben, ancje la dotoresse che lu visite no lasse dubis su la gravitât de sô salût. Dute la famee e je intor dal jet e Giovanin al fâs al pari un grant regâl, prometint che ancje lui al fasarà simpri il presepi.

E je la vilie di Nadâl e e ducj a son pronts par sentâsi in taule. Gusto, l’om di Nine, ricognòs dal lamp Diego, l’amant di jê, e al fâs di dut par stâi lontan. Nol pues fâ finte di nuie, però, cuant che al viôt Diego che al busse Nine. I doi a vegnin aes mans. Gusto lu strissine fûr e lu sburte jù in strade par regolâlu fin tal ultin.

E je la vilie di Nadâl e intant che Toni al è ancjemò daûr a fâ il presepi al rive un forest che nissun al spietave. Al è Diego, l’amant di Nine. Catine lu cognòs dal lamp e, di scuindon, lu invide a lâ vie di che cjase, ancje pal fat che stan par rivâ Nine cul om. Ma Toni, cu la sô ingjenuitât e bon cûr al invide Diego a cene cun lôr.

E je la cuintrivee di Nadâl e Toni al è ancjemò daûr a fâ il presepi, cuant che une visite a sorprese i fâs molâ dal lamp il so lavôr. E je la fie Nine, si capìs daurman che al è sucedût alc di grues e la reson e je subite clare, le capìs Catine intant che Toni al è lât in cusine. Nine i confesse di vê tornât a barufâ cul om e zure di scjampâ cuntun altri om. La bote e je fuarte e la mari e cole in svaniment sul jet.

E je la cuintrivilie di Nadâl a cjase di Toni e Catine. Fûr si criche di frêt, Toni al è ancjemò che al duar e Catine e rive cul cafè par sveâlu. E sarà une zornade di lavôr par lui che al à di finî il so presepi: une sô grande passion, par altri no condividude dal fi, Giovanin, che al sta durmint te stesse cjamare.

La storie di Virginia Tonelli, partigjane furlane medaie di aur al valôr militâr. Nassude ai 13 di Novembar 1903 a Davour la Mont di Cjastelgnûf, dopo di un periodi in France, tal 1943 e torne par liberâ l’Italie dai todescs e dai republichinis.Cjapade dai todescs ai 18 di Setembar dal 1944 a Triest, torturade a sanc par 10 dîs, Virginia no fevele e paie cun la vite par chest so tasê, e ven puartade a San Sabba là che e ven brusade vive ai 29 di Setembar 1944.

La storie di Armando Filiput, sportîf furlan ecelent in tancj sports, ma innomenât soredut pai siei risultâts te atletiche lizere. Nassût tal 1923 a Roncjis di Monfalcon (là che al murarà tal 1984), de fin da vuere ai prins agns ’50 nol veve rivai tai 400 ostacui, tant di deventâ campion european a Bruxelles tal 1950 e a otignî il record dal mont, il prin par un talian inte storie de atletiche moderne.

La storie dal plevan di Tor di Pordenon, che prime dal 1915 al inmanee ativitâts come la cassa Operaia, un for cooperativ, une biblioteche popolâr, il sindicât dai mistirants dal coton…

Pai siei discors pacifiscj e contraris ae vuere al ven perseguitât e parât vie dal Friûl, là che al torne dome tal 1947, par stâ daûr di gnûf a parochie di Tor di Pordenon fin ae muart, tal 1974.

La storie dal pitôr e scritôr nassût a Sacîl tal 1905, prin a puartâ il futurisim in Friûl. Rapuzzi al savolte la provincialitât de tradizion pitoriche udinese, doprant come forme i concets dal futurisim e come sogjet il mont dai contadins furlans. Dopo di un periodi in Americhe al torne e al publiche "Galassie", la prime publicazion di fantasience in Italie. Al mûr a Milan tal 1968.