Copps 94.1

Met die skooljaar wat tot 'n einde gekom het kyk ons terug na 'n jaar waar 'n hele paar voorvalle van diefstal aangemeld is by skole en die stads polisie. Ons gesels vanaand met Sersant Fabian Amukwulele van die Windhoekse Stadspolisie.

Volgens die Namibiese polisie is 80 mense in November maand gearresteer inverband met die besit van dwelms in Namibië. Die straat waarde van die dwelms wat gekonfiskeer was is N$8 miljoen dollar. 63 Van die aangekeerdes is Namibiese burgers met die res van Angola, Burundi, Tanzanië, Kongo, Suid Afrika en Kenia. In die lig hiervan gesels ons vanaand met Inspekteur Charles Richard Goagoseb van die Walvisbaai se Dwelm Eenheid.

Met die feesseisoen op hande gaan daar ook gekyk word na uitstaande boetes. Ons gesels volgende met Superintendent Charl Morkel van die Windhoek se Stads Polisie.

Ons gaan maak nou 'n draai in Suid Afrika om bietjie met Mike Bolhuis van Spesiale Ondersoeke te gesels oor veiligheids wenke vir die vakansie seisoen.

Ons feesseisoen is op hande en almal sien uit na 'n lekker rus periode, veral langs die kus. Ons gesels volgende met Aubrey Oosthuizen van die West Coast Safety Initiative.

Copps 94.1 gesels met Frikkie Visagie oor stropery op sy plaas wat hom lamlê.

So kort voor die feesseisoen kyk ons weer na hoe ongelukke op ons paaie gelyk het die afgelope tyd om mense bewus te maak van pad veiligheid. Ons gesels volgende met Sidney Boois van die Motor Ongelukke Fonds van Namibië.

Die feesseisoen is op hande en dit wil voorkom of kriminele aktiwiteite aan die kus besig is om toe te neem. Ons gesels met Dewald Swarts, die Voorsitter van die Swakopmund Buurtwag.

​Ons kyk vanaand na twee voorvalle waar tieners hul eie lewens geneem het. In die een voorval het 'n 17 jarige meisie van 'n skool in Gauteng haarself opgehang nadat sy haar nuwe selfoon verloor het en in die ander voorval het 'n 19 jarige seun homself geskiet. Ons gesels met Dalene Gous, 'n Sielkundige Van die Phoenix Psychology Practice in Windhoek.

Volgens statistieke deur die Namibiese Korrektiewe Dienste, is byna 14% van die gevangenes in Namibië in die tronk asgevolg van verkragting. Die Namibiese Polisie het vroeër bekend gemaak dat daar tussen Maart 2017 en 2019, 1 500 mans gearresteer is, in verband met 2 500 verkragtingsake. Ons gesels met Dr Shaun Whittaker, 'n Sielkundige van Windhoek.