Die vakverbond Cosatu het sy teleurstelling uitgespreek met die Suid-Afrikaanse Reserwebank se besluit om die terugkoopkoers onveranderd te laat. Die sentrale bank se Monetêre Beleidskomitee het die terugkoopkoers op 6,75-persent gelaat terwyl die prima uitleenkoers 10,25-persent bly. Cosatu-woordvoerder Matthew Parks sê die uitleenkoers moet met minstens 50 basispunte daal om miljoene werkers wat met stygende lewenskoste sukkel, ʼn blaaskans te gee: