Cucù

Coluna él pa stata la pedia de la Gran Vera te Fascia? en compagnia de Michele Simonetti Federspiel. Colugn i fac più riesc che à segnà la comunanza de Fascia? Co él pa stat l passaje di Ladins da esser sot l Emper austroungarich a sot la Tèlia? Colunes la testimonianzes tel teritorie e te la jent de Fascia? E apede, na antepruma del event Monc de pèsc - Montagne di pace.

#17 Cucù — Na trasmiscion de Radio Studio Record a cura de Nicoletta Riz, portèda dant en jebia ai 20 de jugn, sostegnuda dal Comun general de Fascia

Botanica ladina (de Fascia) col espert de piantes Alberto Chiocchetti. Èste amò sentù rejonèr del pan de dio e del pan del ciel? E di ciuces da la ciocolata? Na curiousa ciacolèda per jir a descorir la particolaritèdes e i inomes de la piantes che vegn su te Fascia.

#16 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 13 de jugn e sostegnuda dal Comun general de Fascia

Grop joegn de Penìa e Ciampedel con i animatores del grop joegn de la Val de sora, Cristopher Verra e Sara Bernard. Jon a descorir l'ativitèdes che i endreza, ocajions e oportunità per se cognoscer, per descorer e pissèr sora a argomenc de atualità o ence più lejieres, desche l abort o l'amicizia.

#15 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 6 de jugn e sostegnuda dal Comun general de Fascia

Moena: curiosità e istoria de paisc ensema con la storica Maria Piccolin. Jon a descorir, con ite per anter ence de bela musega ladina, l paisc de Moena, sia storia: da olà vegnel ca l inom? Co se èl svilupà l paisc? Can él ruà l turism? Co èl vivù la comunanza endèna la Pruma e Seconda Gran Vera? Ma soraldut... Moena, n paisc anter Fascia e Fiem!

#14 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 30 de mé e sostegnuda dal Comun general de Fascia

Dal mond de la rampinèda... al femenin, con Alison Prinoth e Nicole Lozzer. Rejonon de la gares de Copa Tèlia Lead che l é stat ai 25 e ai 26 de mé a Ciampedel a la Adel Climbing Wall, de la realtà del Fascia Climbing e de la pascion per la rampinèda!

#13 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 23 de mé e sostegnuda dal Comun general de Fascia

La musega de l'Aurela Cörta: n rejonon con i musizisć Matthias Pizzinini e Ermes Costa. Descorion sia cianties, sia musega per ladin e stel musical, e ve porton dant en antepruma la neva ciantia "Martin".

#12 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 16 de mé e sostegnuda dal Comun general de Fascia

Tera bona, agricoltura da mont e neves bachegn ensema Sara Desilvestro de la firma N'Outa e Matteo Gross de L Salvan. Descorion sia realtà agricoles e sia pascion. 

#11 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 09 de mé e sostegnuda dal Comun general de Fascia

Ciampedel: curiosità e istoria de paisc ensema con Raffaele Rizzi e Christian Bernard, che à na gran pascion per la storia: con ic fajon dalbon n viac tel temp, dai ciantons de paisc a la gejia, de la mont de Duron, de machines enlongiajù Ruf, del vegnir del turism e de alpinism, de folclor e usanzes tegnudes su da la comunanza.

#10 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 02 de mé e sostegnuda dal Comun general de Fascia

L ladin e la realtà di ladins de Souramont col diretor del Istitut ladin Cesa de Jan Denni Dorigo e la colaboradora Milly Crepaz, che rencura l program 'Ncontonse.

#09 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 18 de oril e sostegnuda dal Comun general de Fascia

Panda la 9, ultim fenomen musical te Gherdena con Marc Senoner.

#08 Cucù — Na trasmiscion de Radio Studio Record a cura de Nicoletta Riz, portèda dant dal vif en jebia ai 11 de oril e sostegnuda dal Comun general de Fascia