Dala kündelıgı (Field Notes)

Dala kündelıgı (Field Notes)

By Гүлназ Қорданова, Құралай ЖарқымбаеваSociety & CultureEducationGovernment
Download on the App Store

Dala kündelıgı (Field Notes) episodes

  • 14 эпизод: Өз үйің — өлең төсегің бе? Жергілікті және халықаралық ұйымдар

    Жергілікті ұйымда қалған жөн бе, әлде халықаралық ұйымға ұмтылған дұрыс па? Бұл эпизодта біз екі ортада жинаған тәжірибемізбен бөлісеміз.

    Жұмыс мәдениеті несімен ерекшеленеді, мансап қай жерде тезірек өседі, бір ортадан екіншісіне ауысқанда не қиын болды — бәрін өз басымыздан өткен мысалдармен айтамыз.

    Халықаралық ұйымда жұмыс істегісі келетіндерге де нақты кеңестеріміз бар: неден бастау керек, түйіндеме мен сұхбатта қандай қателіктер жиі жіберіледі, ағылшын тілі ана тіліңіз болмаса, оның мансапқа қалай әсер ететіні. Өзімізге халықаралық ортаның есігін ашқан сәттер мен адамдар туралы да әңгімелейміз.

    1 hr 26 min
  • 13 эпизод: Жанып жүріп, сөнбеудің жолы. Үшінші сектордағы кәсіби күйу туралы
    Үшінші секторда жүргендердің көбі бұл сезімді біледі: жұмыс жүріп жатыр, жоспар толы, ал сен іштей босап қалғансың. Бұрын шабыт беретін іс енді ауыр жүк секілді. Бернаут жобаның соңын күтпейді, ол кез келген сәтте келуі мүмкін.

    Бұл эпизодта Құралай мен Гүлназ эмоционалдық күйіп кету (бернаут) туралы ашық әңгімелеседі. Бұл сезім қалай көрінеді? Неге әлеуметтік салада, білім беруде, қоғамдық жобаларда жүргендер оған ерекше бейім? Одан қалай шығуға және өзіңді қалай сақтауға болады? Бұл теория емес, өз басымыздан өткен тәжірибе.

    Соңғы кезде «бәрі мәнсіз» деген ой жиі келетін болса, бұл эпизод саған арналған.


    1 hr 9 min
  • 12 эпизод: “Әй, бала, сен бухгалтерсің бе? Жоқ, мен фандрайзермін. Ол не тағы?” - 3 cектор рөлдері мен қысқа профориентациясы
    Үшінші секторда мансап құру мүмкін бе? Бұл эпизодта біз коммерциялық емес ұйымдардағы кәсіби рөлдер мен позицияларды егжей-тегжейлі талқыладық. Қазақстан мен әлемдік нарықтағы үрдістерге тоқталып, осы салада өсу амбициялары мен мансаптық картаны қалай құру керектігін сөз еттік.

    Фандрейзер, мониторинг және коммуникация мамандары, жобалық және бағдарламалық менеджерлер — бұл рөлдердің өзіндік ерекшелігі қандай? Егер сіз осы секторда қалып, кәсіби деңгейіңізді өсіргіңіз келсе, даму бағытын қалай айқындау керек? Сұрақтарға жауап беретін өте практикалық әрі пайдалы шығарылым. Тыңдап, баға беріңіздер!

    1 hr 7 min
  • 11 эпизод: "Күнмен қоректенушілер, іші пысқан Ханшайымдар" 3 сектордарғы мамандар туралы мифтер, келу жолдары және алған сабақтарымыз
    Сәлем! Біз 3 секторда жұмыс істейтін адамдардың кейіпін әлі де талқылап жатырмыз. Осы эпизодта мифтер мен біздің салаға адамдар қалай келетінін талқыладық. Одан бөлек біздің кәсіби құндылықтарымыз және алған басты сабақтарымызды да әңгімеге қостық! Сіздердің кері байланыстарыңызды күтеміз!
    38 min
  • 10 эпизод: "Өскенде кім боламын?" 3 сектордағы жолымыздың тарихы, кәсіби жеңістеріміз туралы әңгіме-дүкен
    Біз жаңа сезонды бастадық! Бұл сезон 3 сектор, филантропия және азаматтық қоғамдағы мансап, көшбасшылық және жұмыс мәдениеті туралы болады. Егер осы салада кәсіби даму мақсатыңыз болса, сезон сізге өте пайдалы болады деген үміттеміз. Осы сезонның бірінші эпизодында өзіміз осы салаға қалай келдік, үйдегілер бұған қалай қарады, қаржы көзі не болды деген әңгіме-дүкен құрдық. Тура бір құдды жастықты еске алу кеші секілді! Ал сіздерге пайдалы болады деген үміттеміз! Және кері байланыс күтеміз!!!
    1 hr 13 min
  • 8 эпизод: Адвокацияның әлеуметтік жобалардағы рөлі
    Біз үкіметтік емес ұйымдардың қоғамдағы жүйелі өзгерістерге қалай әсер ете алатынын және осы жолда адвокацияның нақты рөлі мен стратегияларын талқылаймыз. Жүйелі өзгеріс әрқашан бір идея мен әрекеттен басталады. Адвокация - осы әрекеттің күші
    1 hr 7 min
  • 5 Эпизод: Жақсы ниеттің зиян салдары
    Кейде біз "жақсылық жасаймыз" деп, нақты бір қауымдастыққа немесе адамға зиян келтіруіміз мүмкін. Бұл эпизодта біз нақты кейстерді, этикалық дилеммаларды, және "Do no harm" – "Зиян келтірме" қағидасын қалай ұстануға болатынын қарастырамыз.
    38 min

About Dala kündelıgı (Field Notes)

From the publisher's feed

Бұл жобада келесі тақырыптар қозғалатын болады: әлеуметтік өзгерістер, активизм, көшбасшылық, үкіметтік емес ұйымдар, азаматтық қоғам, сала этикасы мен кәсібилігі, профессиялар және карьера…