Fjórði þátturinn af hlaðvarpsþættinum Á Kaffistofunni er nú kominn í loftið en þættirnir eru samvinnuverkefni Arnars Bjarka Sigurðarsonar, Hjörvars Ágústssonar og Eiðfaxa.


Gestur þáttarins er Anton Páll Níelsson sem er flestum hestamönnum vel kunnugur. Hann er fæddur og uppalinn á Dalvík þar sem hann sleit barnsskónum og byrjaði sína hestamennsku en foreldrar hans voru ekki í hestum. Hann fór til náms við Háskólann á Hólum þar sem hann lærði til reiðkennara og er einn vinsælasti reiðkennarinn í Íslandshestaheiminum. Hann hefur skoðanir á málunum og er óhræddur við að láta þær í ljós.

Í þættinum eru einnig þeir Hjörvar Ágústsson og að þessu sinni bætist við Arnar Bjarki Sigurðsson og ræða þessi þrír snillingar ýmislegt tengt hestamennskunni.