Ghark na ho jaon behar ke aab mein

Ya rab, naqash-e pa hon dariya-e -payaab mein

Nuqs dekhye buland kirdari ke

Daagh hain Haseen jai se Mahtab mein

Daurti hai khushi ki lehar ragon mein aisi

Goya, junbish ho kisi Jaam Simab mein

Haya na ho to kya rakha hai naqaab mein

Sach nahi to kya hai tere jawab mein

Kiyon kar bane ga haqdaar Gulshan ka woh kaho

Gar rang o bo na ho, khawastgar ghulaab men

Tapish na ho subah ke Sooraj men agar

Sotay raho ge shab ke phir tum shabab mein

Hama tan gosh kyun, ai ‘Sahil’ bata

Moseeqi dil mein hoti hai, na ke mizrab mein