En Hond ass net nëmmen en Hausdéier, mat deem ee spillt, kuschelt oder spadséiere geet. Mat enger spezieller Ausbildung kënne si och eng grouss Hëllef doheem sinn, wann ee krank oder méi al ass. Ëmmer méi dacks ginn Assistenzhënn elo Deel vun der Ekipp a Wunnstrukture fir eeler Leit. D’Pebia Urban huet sech zu Iechternach mat der Besëtzerin vun esou engem Assistenzhond getraff.