Desde la Diócesis de Tui-Vigo, a través de la Vicaría de Pastoral y la delegación de Medios de Comunicación Social, te proponemos este itinerario de espiritualidad para rezar con el Evangelio de cada día desde la Cuaresma hasta Pentecostés.

Reflexión escrita por el sacerdote diocesano Xosé Manuel Pereira.

Música © Mingos Lorenzo.

_______________

Situados aínda no terreo máxico, a xente pide sinais para poder crer, e, como provocando a Xesús, dinlle: Moisés si que fixo sinais, deulles o maná.

O que ven a continuación é un longo discurso de Xesús sobre o pan verdadeiro. E fala do pan que multiplicou o día anterior, do maná no deserto, e do Pan que Xesús quere anunciar. Todo xira arredor dunha cita do Salmo 77: “deulles a comer pan do ceo”.

A partir da experiencia da multiplicación do día anterior, e do recordo histórico do maná, Xesús leva aos que o escoitan, cara a unha intelixencia máis profunda do Pan que Deus lles quere dar, que é el mesmo, Xesús.

Se no deserto o maná foi unha proba da proximidade de Deus, agora mesmo quere darlle á humanidade o Pan verdadeiro, Xesús, no que hai que crer. Sempre é parecido o camiño: da anécdota do milagre hai que pasar á categoría do “Eu son”, aquí o “Eu son o pan de vida”.