शहरातील शिवराम नगर येथील निवास्थानावरून आज दुपारी साडेतीनच्या सुमारास राष्ट्रवादी काँग्रेसचे नेते एकनाथ खडसे मुंबईच्या दिशेने रवाना झाले. भोसरीतील भूखंड व्यवहार प्रकरणात सक्तवसुली संचालनालयाने नोटीस बजावल्याने ते येत्या बुधवारी मुंबईत चौकशीसाठी उपस्थित राहणार आहेत. मुंबईला जाण्यापूर्वी ते नाशिकला निकटवर्तीयांच्या लग्नसमारंभाला उपस्थित राहणार असल्याची सूत्रांची माहिती आहे. नाशिक येथून ते थेट मुंबईला जाण्याची शक्यता आहे.

जिल्ह्यात कोरोना रुग्ण संख्येत दिवसेंदिवस घट होत असून रविवारी 24 तासात फक्त पाच रुग्ण आढळले आहेत. जिल्ह्यात बाधितांची संख्या 14 हजार 397 वर पोहचली आहे. रुग्ण संख्या कमी होत असली तरी नागरिकांनी काळजी घ्यावी असे आवाहन जिल्हा प्रशासनाने केले आहे.

नंदुरबार जिल्हयात रविवारी 37 रुग्ण कोरोनामुक्त झाल्याने त्यांना कोविड कक्षातून डिस्चार्ज देण्यात आला. दरम्यान, 30 नवे रुग्ण आढळून आले आहेत. सध्या 472 रुग्णांवर कोविड कक्षात उपचार सुरु आहेत. 

राहुरी तालुक्यातील आठवड्यातील घडामोडींचा आढावा

अहमदनगर जिल्ह्यातील ठळक घडामोडी

दैनिक देशदूतचे मॉर्निंग बुलेटीन (दि २७ डिसेंबर २०२०)

आजचे दिनविशेष (दि २७ डिसेंबर २०२०)