अहमदनगर जिल्ह्यातील ठळक घडामोडी

जळगावसह तीन जिल्ह्यांना पाणीपुरवठा करणारे गिरणा धरण परिक्षेत्रात झालेल्या दमदार पावसामुळे ते 95 टक्के भरले आहे. धरण क्षेत्रात सातत्याने पाऊस सुरु असल्याने येत्या 24 तासांत धरणातून कुठल्याही क्षणी पाणी सोडण्यात येणार आहे. त्यामुळे नदीकाठच्या गावांना सतर्कतेचा इशारा पाटबंधारे विभागाकडून देण्यात आला आहे. धरण परिक्षेत्रात पाऊस राहिला तर ते 100 टक्के भरण्याची दाट शक्यता असून तब्बल दहाव्यांदा शंभरी गाठणार आहे. 

जिल्ह्याभरात आज नव्याने 141 रुग्ण आढळून आल्याने जिल्ह्यातील बाधितांची संख्या दहा हजार 796 इतकी झाली आहे. तर आज एक 70 वर्षीय पुरुषाचा कोरोनाने मृत्यू झाल्याने आतापर्यंत 321 जणांचा कोरोनाने बळी घेला आहे.

विसरवाडी-नंदुरबार रस्त्यावर मजूर घेऊन जाणार्‍या पिकअप वाहनासमोर चालणार्‍या मोटरसायकलस्वाराने अचानक ब्रेक दाबून वळण घेतल्याने त्याला वाचविण्याच्या नादात पिक अप वाहन रस्त्याच्या बाजुला असलेल्या कठडयावर धडकला. या अपघातात 18 मजूर जखमी झाले आहेत. यातील 8 जण गंभीर आहेत.