D’Gemeng Schengen gëtt Member vun der Plattform géint Atomenergie: dat huet de Buergermeeschter Michel Gloden am 100,7-Interview ugekënnegt.

Ufank vun der leschter Woch war jo matgedeelt ginn, datt de Buergermeeschter vu Réiser Tom Jungen (LSAP) d’Initiativ ergraff huet, fir d’Schäfferéit vun alle lëtzebuergesche Gemengen ze invitéieren, fir déi fréier Plattform vu Gemenge géint Atomenergie ze reaniméieren: eng Plattform, déi am Joer 2011 vum deemolege Buergermeeschter vu Réimech Henri Kox (déi gréng) gegrënnt gi war.