الناس اللي بيبقوا معنا... و هما فاضين... عندهم شوية وقت مش عارفين يعملوا فيه أيه فبيجوا يتسلوا بينا و بأخبارنا.الناس اللي وجودهم في حياتنا مرتبط بعدم وجود الناس المهمين في حياتهم.الناس اللي لما بيحتجونا بيلقونا دايماً... بس أحنا لما بنحتاج لهم مش بنلاقيهم.الناس اللي بيظهروا و بيختفوا من حياتنا بدون أي أسباب منطقية.للناس دول كلهم... أزيكم ... عاملين ايه... يا رب تكونوا بخير.

أحساس صعب أووي أنك تكون مظلوم... و الأصعب لما تكون مظلوم من حد قريب منك... بتحس ساعتها بالوجع أووي. بيقولوا الضربة لما بتيجي من القريبين بتوجع أكثر... لانك مش متوقعها... و لأنها بتكون قريبة منك أووي فبتوجعك أكثر.

• تخيل لما الناس القريبين منك و اللي مفروض تحس معاهم بالأمان يكونوا هما هما نفس الناس اللي بيظلموك... يآذوك... يوجعوك.

يا ترا أحنا بنشوف نفسنا ازاي؟؟؟ يا ترا بنشوف نفسنا بعيونا أحنا ... و لا بنشوف أنعكسها في عيون الآخرين... و يا ترا مين هما الآخرين دول؟؟؟ بنشوف نفسنا في ماضينا أياً ما كان... و اللي حيكون نتيجتة هو حاضرنا... و لا بنشوف نفسنا في حاضرنا اللي بنعيشة دلوقتي و أوقات كثير ما بنعشهوش لاننا بنضيعة في التفكير في الماضي أو في المستقبل... أو بنشوف نفسنا في مستقبلنا الممكن سواء كان مستقبلنا اللي بنحلم بيه أو مستقبلنا اللي أكيد هو نتيجة لحاضرنا.

في ناس بنعرفهم سنين و بنتعامل معاهم... بس برضوا مابنعرفهموش، يمكن حتي مع طول الوقت و العشرة اللي بينا... في حاجات لسة مامرناش بيها معاهم. يعني ممكن نعيش حياتنا كلها و في ناس في حياتنا مانعرفش حقيقتهم. أتمني اعرف رآيكم في الحلقة.

سلسلة قصص جديدة، بيستكشفوا فيها ثلاثي الشنكحاوي حجات عن تاريخ مصر. كتابة وقرأة دينا يحيى. في الحلقة التالتة حليمة وعلي بيتعرفوا على آتوم وشو وتفنوت وجب و نوت - أول اربعة من تاسوع هيليوبلس.

سؤال عارفة اجابتة مسبقاً و لكن حسأله ثاني لنفسي مرة ثانية يمكن أوصل لإجابة مختلفة... أشك والسؤال هو... هل من الممكن ان الإنسان يتغير؟؟؟ بالنسبة لي أنا مافيش غير اجابة واحدة... لا يمكن أن الإنسان يتغير، اللي بتتغير هي الظروف و الناس المحطين بينا... و علي اساسها بتتغير تصرفاتنا. يا ترا في نهاية الحلقة حتتغير الاجابة؟ أو لا؟

من سنة بالظبط كانت أول مرة أقول فيها المقدمة ديه ... زي النهاردة من سنة ٢٣/٨/١٤ كانت بداية البودكاست. سنة عدت بسرعة قدمت فيها مواضيع مختلفة، و مع كل حلقة ببقا سعيدة جداً و في أنتظار أسمع رآي الناس في الحلقة الجديدة. الحلقة ديه علشان بس أشكر كل اللي بيتابعوني ، الف شكر.

صفة من أبشع الصفات اللي ممكن يتوصف بيها أي أنسان ... و يمكن أبشعهم علي الأطلاق. و الغريبة أن الناس البخلاء دول مش محتاجين عندهم نعم كثير ... بس للأسف بخلاء. البخل مش في الماديات و بس ... البخل في كل حاجة ... كل حاجة.

سلسلة قصص جديدة بيستكشفوا فيها ثلاثي الشنكحاوي حجات عن تاريخ مصر. كتابة وقرأة دينا يحيى. في الحلقة التانية حليمة وعلي بيكتشفوا سر جدتهم وبيتعرفوا على كائن كان معروف عند المصريين القدماء باسم نون.

أزاي يكون عندنا ثقة بنفسنا؟ و ده سؤال صعب و مهم ... و الأجابة علية علي اساسها بتتحدد شكل الحياة اللي بنعيشها. ثقتك بنفسك بتحدد ملامح علاقاتك مع كل اللي حواليك... و علي اد ثقتك بنفسك علي اد قوتك في مواجهة أي صعاب أو مشاكل بتمر بيها في حياتك.