Neeli jheel ka aqs , raton ki haseen chandni , khwabon ki zamee , wafaon ki haseen waadiyan , jis taraf bhi nazar jaye har uss taraf bepanah husn me machalti qatil adayen ---- kiya kuchh nahi tha usme --- apne masoom lahje me prem ki kisi devi se kam nahi thi vo --------- tabhi to --- vo zawan raten jo uske husn - e - bagwan me guzrin , jab yadon ki bulandiyon se hokar gujarti hain , jab madbhare ahsaason se hokar gujarti hain , jab tan aur man ke rom - rom ko chhoo kr gujarti hain--------

-----kasam se doston kasam se

Na sone deti hain

Kambakhat----na hi rone deti hain

Vo husn aur vo javan raten------

Vo aksar mujhse kaha karti thi-----

Kiyoon farz nibhate ho itna

Kiyoon karz badhate ho itna

Jab pa na sakoge tum mujhko

Kiya dard sahoge mohabbat me

Kiyoon karte ho - Kiyoon karte ho

Badi keemat chukani padti hai

Badi jillat uthani padti hai

Badi musibat hai mohabbat me

Kiyoon karte ho - Kiyoon karte ho

Mai jab aakash jitni anant unchaaiyon pe tha ---tab jakar tumne bataya ki ----prem nahi hai

Shayad isliye ki ---

tumhe unchaaiya pasand thi

aur mujhe tum

Tum zid thi meri

Pr mai tumhari nahi

Mai to aaj bhi tumhari halki si aahat pr hi chaunk padta hoo aise----

RET PR CHAND KI TASVEER

Ho jaise--------

Prem ka seedha sambandh sparsh se hai---sparsh koi bhi ho--- jismani ya mansik ---vah aahat hai prem ki

Kisi ko choone ya sochne se hame jo aanand aata hai vah aanand hi prem hai ---mohabbat hai ishq hai

Aur yahi vah aanand bhi hai jo hame hamare prem ki pahli khabar deta hai

Balki yah kahna bemani nahi hoga ki sparsh hi prem ki bhasha hai

Kishi ke sparsh se jitna adhik aanand aayega-prem bhi utna hi adhik gahra hota chala jayega

Bhoola nahi hoon aaj taK

Holi ka vo faag

Badan ranga tha chahat me

Man me ishq ki aag

Masti aisi mujhe chadhi

Ragad diya gulal

Khula nimantran de rahe the

Gaure gaure gaal

-----------jogeera saara ra ra

Chahat ye nahi...ki...

tere naam ki Mala japoon

Chahat ye bhi nahi...ki

Subaha shaam tujhe hi taqoon

Chahat to bass itni si hai jaanam...ki

Tere chashm-e-tar ki umeed ho jaoon

Teri zulfon ki chhaavn me so jaaoon

magar...

raahen teri bhi juda...meri bhi juda

fir tu hi bata....

Tera mai kaise ho jaoon

Tera mai kaise ho jaoon................

Log milte hain yahan pr

Bass juda hone ko yaar

Koi ban jata mohabbat

Koi karta dil pe waar

Zindagi ke iss safar ka

Ek yahi anjaam hai

Zindagi saason ki mahfil

Piyar iski shaan hai

isq iski bandagi hai

Yaar iski jaan hai

Zindagi saason ki mahfil

Piyar iski shaan hai------------------

Aksar aankhe nam si ho jati hain, achanak hi jindagi bhi kam si ho jati hai, shabd bas use hi khojte hain, use hi dhoondhte hain, har panne par use hi likhte hain..apne piyar ko khokar bhi ye piyar nibhane vale kabhi likh kar ro lete hain to kabhi dafan kar dete hain dil ki gahraiyon me... koi diariyon aur kitabon me likh kar samet -ta hai ...to koi apni aawaz ke jadoo se use bikherta hai...phir bhi kisi ko kho dene ka gam kam nahi hota ...jindagi beet jati hai magar siskiyan kam nahi hoti...un geeton ki gungunahat kabhi bedam nahi hoti..... bedam nahi hoti....

My dear Masoom...kaisi ho ...kaisi ho tum.. Kiya tumhe yaad hain milan ke vo pal, vo din,vo shaame aur vo raaten...ya bhool chuki ho - vaise mujhe to pahle se hi ehsaas tha ki tum ek din mujhe chhod hi dogi ...aur fhir ek din aakhirkar tumne chhod hi diya aur ab bhool bhi gai ho......magar nahi gai tum mere dil se,meri yaadon se,mere zahan se ...magar rah jane jaisa kuchh chhoda bhi to nahi tumne...jab tumne kaha...." kiyon aaye the zindagi me meri '...shayad isiliye nahi bhool sakta mai tumhe aur tumhare un lafzon ko....

janmon ka Bandhan hai ye

Janmon ki dastan

Rasm-e-quaza se iska

Nahi koi Vista

Had se guzarta hai ye

Bagawat bhi karta hai ye

Toot-ta hai jujhta hai

Dhoondhta hai rasta

Mahboob pe apne ye

karta hai aitbaar

Yahi hai mohabbat

Yahi hai re pyaar....