Este domingo ás 20 h o Auditorio do Rosal acolle o concerto "Recén saídas do forno" do coro Cantares do Brueiro. A entrada é libre e de balde até completar o aforo.

O músico guardés Tino Baz é o director deste proxecto, e hoxe deu conta na nosa sintonía da importancia da música e da cultura popular galega.

“Afranio”, o documental con guión e dirección de Víctor Aparicio e protagonizado por Luis Tosar, proxéctase hoxe venres ás 20 h no Espazo Sociocultural dentro das Xornadas Señor Afranio.

Tamén o domingo ás 20 h no mesmo espazo Víctor Aparicio, Pablo Novoa e Pancho Álvarez ofrecerán o concerto "Cantares dun fuxido".

Hoxe conversamos con Víctor Aparicio sobre estas dúas citas.

Con motivo do Día Mundial sen Tabaco que se conmemora cada 31 de maio, hoxe coñecemos o labor do Servizo de Prevención de Drogodependencias Municipal de Tui.

Paula Guerreiro, técnica deste servizo, explicou que realizan talleres de prevención nos centros educativos, nos que tamén traballan en novas formas de consumo de nicotina, como son os vapers.

Andaina cultural coa Fada do Aloia e merenda-cea de ovos formighos é o que dende a Asociación Cultural Laxes de Paramos organizan para mañá sábado, dentro do seu mes cultural.

Deu hoxe os detalles Vicente Lubián, membro da asociación.

Dende o próximo martes 2 de xuño e até o venres 5 Tui convértese no escenario do sexto Congreso EducODS que organiza o CEIP Plurilingüe Nº1 de Tui. Cada mañá na Corredoira abrirán os preto de 30 postos dos distintos centros educativos de Infantil, Primaria, Secundaria e Universidade participantes.

Hoxe coñecemos as propostas do Club de Letras, do ámbito STEAM, de Crea Visual e de Natural e Social, da man de integrantes do Consello da Infancia do CEIP Nº1.

A curtametraxe "O asasino do bosque" do tudense Isaac González e o tomiñés Pedro Suárez está a ser rodado íntegramente en Tui. Este é o segundo proxecto no que traballan xuntos, despois de "Somos Nómadas".

Hoxe deron a coñecer este filme e a súa marca audiovisual, Moskito Kinki (MK).

Un novo médico vénse de incorporar ao Centro de Saúde de Tui, ocupando a praza que estaba vacante por xubilización. Por outra parte a persoa que estaba a ocupar a outra praza por xubilación de luns a mércores, pasará a estar tamén de luns a venres. Así o confirmaba hoxe Conchi Martínez Aguilera, da Plataforma en Defensa da Sanidade Pública de Tui.

Daba conta tamén de cal será a situación no Centro de Saúde tudense este verán.

O Centro Sociocomunitario de Tui acolle este verán un campamento para nenos e nenas de 3 a 7 anos dende o 29 de xuño ao 24 de xullo. Será en horario de 9.30 h a 13.30 h e o prazo de inscrición remata o 10 de xuño.

Ana García, pedagoga, indicou que a inscrición se pode realizar no teléfono 659 695 516.

Tamén, de cara ao inicio do instituto, terá lugar dende o 31 de agosto ao 4 de setembro un obradoiro dirixido ás persoas que comezan esa etapa.

Dende o 6 ao 17 de xullo a Quinta de Tui Futsal organiza unha nova edición do campus Toñín Martín. Será un campamento lúdico, con fútbol sala e moitas actividades máis.

Será de luns a venres de 9 h a 14.30 h, e a inscrición está xa aberta en Cluber.

Xacobe Morais, da Quinta, deu hoxe os detalles.

Este sábado no Mercado de San Antonio celébrase o Día do Mercado. O concello de Tui súmase á campaña autonómica Quere o Teu Mercado. Así as persoas que se acheguen ao Mercado serán obsequiadas con material promocional, e dende ás 12 h haberá unha degustación gastronómica da man de Stefano Quarta.

Así nolo contaron hoxe Ana Núñez, concelleira de Comercio e Mercado, xunto a Stafano Quarta e Purificación Correa, de AlDente, o espazo gastronómico que o luns abrirá no Mercado de San Antonio.