O próximo luns 23 e o martes 24 celébranse en Tui as xornadas "A violencia que se esconde tras a pantalla. Violencias machistas na era dixital" co gallo do 25N, Día Internacional para a Eliminación da Violencia Contra a Muller. As xornadas comezarán, ambos días, ás 18 h na Sala Félix Rodríguez e o acceso é libre.
Ana Rodríguez, xurídica do Centro de Información á Muller, destacou hoxe na nosa sintonía a importancia de abrir espazos públicos para conversar sobre as novas formas de violencia machista.
O primeiro experto en intervir será Javier Martínez, profesor da UVigo e especialista en IA. Abordará o tema “Quen educa as nosas fillas e fillos en Internet? Algoritmos, intelixencia artificial e violencia contra as mulleres”.