Este domingo celébrase en Chan do Carrasco en Randufe o X Enduro Cidade de Tui organizado polo Motoclub Randufe. Será a partir das 10.30 h. Esta mañá visitaba Día a Día Andrés Urseira de Motoclub Randufe que nos explicaba o que supón para Tui celebrar un evento destas características e tamén Javi Quintas, responsable da liga galega de motos de campo

O próximo domingo e luns celebrarase no Paseo da Corredoira un mercadillo de artesanía, antigüidades e coleccionismo organizado pola asociación Revolto Artesán Galego e o Concello de Tui. O domingo en horario de 10h a 21h e o luns tamén de 10h a 20:30h. A presidenta da asociación, Ester Rúas, visitaba esta mañana o programa Día a Día e explicábanos que poderemos atopar nesta feria.

Coa entrevista ao Alcalde de Tui, Enrique Cabaleiro, pechamos a rolda de entrevistas aos grupos municipais de outobro.

Hoxe coñecemos a actividade da Federación pola igualdade das mulleres da provincia de Pontevedra, da que forma parte AMEI Tui, coa súa presidenta Raquel Touriño.

Unha combinación de poesía, música e imaxe será o concerto que esta noite, ás 21 h, poderemos distrutar en AFundación TV, dentro da programación do IKFEM. Será con Juan José Bustos Pérez, músico multinstrumentista, presentando Versos Versus Virus.

Miguel Abraira, profesor de historia do IES San Paio de Tui, nominado na categoría de Educación Secundaria e Bacharelato á IV edición dos premios Educa Abanca, Mellor docente de España 2020.

O 10 de xaneiro do próximo ano 2021 publicaranse as puntuacións obtidas por cada un dos finalistas, obtendo o título de Mellor Docente de España 2020 o profesor que consiga a maior puntuación.

Até este sábado SOS Tomiño Baixo Miño ten en marcha unha campaña de recollida de alimentos a través da súa web www.sostomino.org.ou nos carros situados nos supermercados Froiz de Tui, O Rosal e Tomiño, no Lidl de Areas, e no Día de Tomiño. Falamos da mesma con Pilar Álvarez e Jose Montes de SOS Tomiño Baixo Miño

Eva González, que durante 33 anos foi a delegada de Faro de Vigo en Tui e na comarca do Baixo Miño xubilouse oficilamente o pasado 15 de setembro. Con ela compartirmos esta mañá no programa a Día a Día as vivencias destes tres décadas.

“Cancións do recordo” é o título do concerto que a soprano Ainhoa Arteta ofrecerá ás 21 h no Teatro Municipal xunto ao pianista Javier Carmena. As entradas están esgotadas, e amais de en directo o concerto poderase seguir tamén a través de AFundación TV.

Ainhoa Arteta intepretará un repertorio integrado por cancións destacadas nos seus máis de 30 anos de traxectoria artística desenvolvida por todo o mundo.

Na rolda de conversas cos grupos políticos presentes na corporación municipal hoxe acompañounos José Ángel Fernández, voceiro do Partido Popular.