Re tlo bolela ka lengwalo la motheeletši yowe a re go o sa tšwa go chata le mogatšagwe (mosadi) ngwagola mafelelong a Nofemere, eupswa ga bjale ga ba kwane yena le mogatsagwe mowe e le go gore mogatsagwe o re ge e le gore ga ba kwesisane, se se kaone ke ge ba ka kgaogana. Monna ke ngwana wa mafelelo (mosimane fela) yowe a swanetsego ke go dula ka gabo, mme ka madimabe ga a kwane le mogatsagwe ka lebaka la seo se boletswego ke mmatswale nakong ya ge a bea mantsu ka letsatsi la mochato wa bona.Go thwe mmantsu a mangwe a mmatswale ao a ilego a a lebisa go ngwetsi ya gagwe ebile a gore: " Ka mo ke ka ga ka wa nkwa ngwanaka? Ga ke tlo laola ke ngwaninyana wa go tswa sekgoweng, ebile le sekgoweng ke sa go tsebe le ka leihlo. Molao ka mo ke wa ka. Ge re palelana le tle le tswe ka mo." Ka mantsu a, ngwetsi bjalo ga e nyake go ya bogadi mme lesogana e le go mongongoregi o re kg0pela gore re thuse.