O mundo da cultura despide a Xavier Deive, un actor curtido no teatro, no cine e nas series de televisión. O seu amigo e compañeiro de profesión Luís Iglesia lembra a personalidade, o traballo e a traxectoria dun interprete que pasou polas series máis importantes da TVG.

O Atlántic Fest reúne esta fin de semana en Vilagarcía a músicos internacionais, como Mika, grupos consagrados, como Los Planetas, e bandas emerxentes de Galicia. Conversamos co seu director, Toño Caneda, sobre un festival “diferente” centrado na música indie e alternativa.

O noso especialista nas artes escénicas, Alfonso Becerra, fala sobre o festival de danza Abanea e a edición 40 da Mostra de Teatro de Ribadavia.

Setestrelo é un grupo de teatro integrado por persoas cegas ou con grandes dificultades de visión. A compañía preséntase en Vigo coa obra “Arroutada”, unha comedia irreverente adaptación dunha obra de Max Aub. Conversamos sobre este proxecto coa súa directora, Mónica Sueiro, e un dos actores, Rogelio Estévez.

Chega á carteleira a cuarta entrega da saga “Padre no hay más que uno” de Santiago Segura. O noso especialista en cine Moncho Lemos fálanos de “Campanadas de boda” e das 3 películas anteriores.

“Pausa” é o último disco do jazzista galego Hilario Rodeiro, afincado en Euskadi dende hai 20 anos. Coñecemos a súa traxectoria como compositor, o seu traballo con distintas bandas e as inquedanzas que o levan a moverse entre o jazz, o pop, a música de cámara, a electrónica e o sons experimentais.

Novo ciclo “Novas músicas” en Lugo. Darío Real, membro da directiva de Teleclube, organizadora do evento, explica o programa dun evento centrado na música máis vangardista.

O noso experto musical Carlos Crespo fálanos das colaboracións, cada vez máis frecuentes, entre os músicos galegos e invítanos a escoitar algúns exemplos.

“GEAS Mulleres que estudan a Terra”, no MUNCYT da Coruña, descobre a 12 mulleres que avanzaron no coñecemento da ciencia retando á sociedade da súa época. Conversamos con Ana Ruiz, unha das responsables da mostra, sobre estas mulleres, sobre as súas aportacións ó coñecemento da Terra, que quedaron silenciadas.

Titirivedra converte a Pontevedra na capital dos títeres. Espectáculos para tódolos públicos. Miguel Borines, actor da compañía Tanxarina, descóbrenos algúns detalles do espectáculo “Titiricircus”, que levan representando dende hai máis de 30 anos.

O noso medievalista Miguel García Fernández fálanos de dúas Marías: María la Balteira e María Castaña.

“Papagallo” plasma en versos e fotografías a metamorfose do barrio coruñés.

Coincidindo co 67 aniversario do nacemento de Luísa Villalta, a editorial Kalandraka reedita un libro que naceu da comunión da súa poesía coas fotografías de Maribel Longueira, coa que falamos.

Descubrimos a historia, os tesouros e as lendas de Torre da Barreira

Sole Feilloza lévanos ata este lugar de Riobó, no concello da Estrada, que se remonta ó século XII. Un territorio doado pola raíña Urraca que continúa cheo de pedras, bosques e maxia.

“Identidade, memoria histórica e movementos sociais”

Luis Seoane volve exhibirse na Fundación homónima logo de tres anos de obras no edificio coruñés.

Son 50 obras entre óleos, gravados, debuxos e produción editorial. Falamos con Silvia Longueira,

comisaria da exposición que estará aberta ao público durante un ano.

Afonso Becerra está en Portugal seguindo o Festival ALMADA, que o domingo acollerá a produción do Centro Dramático Galego, “Manuela Rey is in da house”

A exposición "Unha vida viquinga", na Cidade da Cultura, agrupa 120 pezas arqueolóxicas únicas chegadas de Suecia, Dinamarca e Francia... e unha barca viquinga de 17 metros! A mostra pretende achegar unha visión máis rica e veraz sobre a cultura viquinga, cuestionando todos os clichés.

Tempo para as estreas con Moncho Lemos... con aromas a Frank Sinatra: "Fly me to the moon", protagonizada por Scarlett Johansson e Channing Tatum.

Mañá comeza o Festival Internacional de Música Celta. Emilio Españadero, director de ‘Lume na Palleira” debulla o programa con Bruno Lozano, o presidente da Escola de Gaitas de Ortigueira.

De Baiuca a De ninghures. Carlos Crespo fálanos dos grupos que están renovando a música tradicional galega mesturándoa coa electrónica.

“Esgotadas as prazas para tomar parte na Semana do Patrimonio Invisible en Pontevedra en apenas 4 minutos”. Manuel Rial, o seu coordinador, debulla connosco os seis lugares pechados ao público que visitarán nesta cuarta edición.

Miguel García-Fernández achéganos a figura de Xoana Vázquez das Seixas, unha muller empoderada na Galicia medieval de finais do século XIV

Xa está en marcha o Atlantic Pride na capital herculina. Falamos con César Pérez, codirector, desta cita do Orgullo Norte que se alonga toda a semana.

Con Soledad Felloza percorremos a ruta dos carpinteiros cos pés mollados, en Serra de Outes