A Arca da Noe fai este ano unha década de actividade cultural cun histórico de máis de mil concertos programados no rural ourensán. Dende Vilar de Santos, na comarca da Limia, a Arca converteuse nun dos puntos imprescindibles das xiras dos nosos artistas. Da súa historia, das celebracións deste décimo aniversario e do futuro da Arca da Noe falamos con Noemí Vázquez, a súa impulsora.

Tamén pasará polo estudio Luís Miguel Crespo para falarnos dese concerto tan especial da Real Filharmonía de Galicia nas festas do Apóstolo.

A Mostra Internacional de Teatro converte a Ribadavia na capital das artes escénicas ata o día 27 de xullo. A 40ª edición da Mostra reúne ás mellores compañías teatrais nacionais e internacionais e, ademais, está marcada polo recoñecemento á danza e ás artes en movemento. Conversamos co seu director, Roberto Pascual, da programación desta edición e da evolución desta cita cultural, nas súas palabras: “motor de cohesión e igualdade”.

Na sección de recomendacións literarias trasladámonos á cociña. Raquel C. Pico fálanos de libros de receitas, de historia culinaria sobre a despensa galega e de viaxes gastronómicas.

‘IKFEM Festival Tui-Valença’ é UNHA ponte musical, cultural e creativa entre España e Portugal, que hoxe comeza a súa décimo-segunda edición, que se celebrará ata o próximo día 21.

Tamén pasará Estíbaliz Espinosa, colaboradora de ciencia e cultura, para falarnos das carrachas.

A Orquestra de cadeiras encartables vén de debutar nas Festas do Barrio de San Pedro, en Santiago de Compostela. Está dirixida por Xavi Lozano, multiinstrumentista catalán e presente como músico en formacións como Bufa & Sons ou a banda de Eliseo Parra. Hoxe conversamos con el e co músico Xián Herrera para coñecer este proxecto máis de preto.

Pola súa banda, Vicente Feijoo fálanos da proxección da toponimia no mundo do ensino e na sociedade en xeral.

Un evento pioneiro en Galicia reunirá a ducias de frautistas galegos con outros de diferentes puntos de Europa. O compostelán André Cebrián, a coruñesa Paula Padín e a asturiana Marta Gómez será o profesorado dos cursos de interpretación, pedagoxía e as clases para minifrautistas, que terán lugar na Escola de Música Berenguela ata o vindeiro mércores.

Ademais, baixo a dirección de Luis Miguel Crespo repasaremos o novo disco que vén de publicar a Orquestra Sinfónica de Galicia.

O Festival de Ortigueira ofrece deica o domingo actuacións do talle de Backwest, Fillas de Cassandra, Green Lads, Kanaris Quintet, a propia Escola de gaitas de Ortigueira, Caledonia Pipe Band, Nogood Boyo, Dervish ou Capercaillie.

Falamos con Xan Pampín,do grupo Ailá, e co gaiteiro asturiano José Manuel Tejedor.

Raquel C. Pico estrea colaboración con estas tres propostas literarias;

A campá de vidro, de Sylvia Plath. Tradución de Celia Recarey.

Nos días encantados de agosto, de Manolo González

O marabilloso mundo das profesións.Tradución: María Reimóndez.

Atallamos dúas citas culturais imprescindibles dos vindeiros días: O Fechiño, Festival Rupestre de Proximidade que celebra a súa terceira edición na aldea compostelá de San Xoán de Fecha; e o Abride a Fiestra, sexta edición que terá lugar este ano o domingo 14 de xullo.

Ademais, Tito Lesende achéganos a súa selección musical para este xoves de xullo.

Miguel Poveda e Miguel Lamas abren a 11 edición do ciclo musical «Os xoves de Códax» coas entradas esgotadas.

Falamos con eles e con Rosa Bugallo, directora artística nas adegas Martín Códax. 

Café con ardora con Estíbaliz Espinosa. Hoxe detémonos nas abellas. Sabiades que non todas fan enxames? E que hai moscas disfrazadas delas?

"A era das fábulas" no Museo de Pontevedra. Falamos con Ángeles Tilve, comisaria e directora do museo.

Toponimia con Vicente Feijoo. Para que serve o nomenclátor de Galicia?

XXXIVedición dos cursos de verán de lingua e cultura galegas destinados a persoas de fóra de Galicia.

Organizan a Secretaría Xeral de Política Lingüística, a Real Academia Galega, o Instituto da Lingua Galega da Universidade de Santiago e a Deputación da Coruña.

Falamos con María López Sández e dous dos seus alumnos, un da India e outra do Brasil.

Luís Miguel Crespo debulla o Galicia Clarinet Fest, que vai ter lugar en Lalín do 12 ao 19 deste mes.