ပေါင်းသင်းဆက်ဆံရေးဆိုတာသိပ်ကိုမှခက်ခဲတဲ့ဘာသာလို့လူတိုင်းကလက်ခံထားကြတယ်။ ပေါင်းသင်းဆက်ဆံရေးပြေပြစ်တဲ့ သူကစီးပွားဥစ္စာရှာဖွေတဲ့အခါမှာပဲဖြစ်ဖြစ် အကူအညီလိုတဲ့အခါမှာပဲဖြစ်ဖြစ် အထောက်အကူရနိုင်ချေပိုပြီးများတတ်တယ်။ ဒါပေမယ့် ပေါင်းသင်းဆက်ဆံရေးတိုင်းဟာ ကြည်လင်တဲ့ကန်ရေပြင်လိုထွင်းဖောက်မြင်နိုင်ဖို့ မလွယ်ပါဘူး။ အထူးသဖြင့် လူတစ်ယောက်ရဲ့ အတွင်းစိတ်အခြေအနေကိုဖောက်ထွင်းသိမြင်နိုင်ဖို့ ဘယ်ပညာရပ်ကမှ အလုံးစုံအသုံးမတည့်နိုင်ဘူး။

ဆိုရိုးစကားတစ်ခုရှိတယ်။ ကိုယ်ပြုသည့်ကံပဲ့တင်သံကိုယ့်ထံပြန်လာမည်တဲ့။ဆိုလိုတာကတော့ သူများဆီကနေကောင်းတာ လိုချင်တယ်ဆိုရင် ကိုယ့်အနေနဲ့လည်းကောင်းအောင်နေရမယ်။ကောင်းကောင်းမွန်မွန် ဆက်ဆံရေးကိုလိုချင်ရင် ကိုယ့်ဘက်က လည်းအောက်ကျို့သင့်တာအောက်ကျို့ချိုသာသင့်တာချိုသာ၊ လိုက်လျောသင့်တာလိုက်လျောရမယ်။ ထို့အတူပဲဘယ်အချိန်မှာ ကိုယ့်ရဲ့အနစ်နာခံမှုတွေကိုရပ်တန့်ရမလဲဆိုတာကိုကိုယ်တိုင်သိနိုင်ရမယ်။ သိတဲ့အချိန်မှာပဲသိတဲ့အတိုင်းဆုံးဖြတ်ချက်ပိုင်ပိုင်နိုင်နိုင်ချမှတ်ပြီးပြောင်းလဲသင့်တာကိုပြောင်းလဲရမယ်။

သင်ဘာလို့ ဒီနေ့အသက်ရှင်နေတာလဲ။ ဒီမေးခွန်းကိုမေးကြည့်ဖူးပါသလား။ဒီနေ့မှာလူတွေ လောကထဲကိုရောက်လာသလို ဒီနေ့မှာတချို့လူတွေ လောကထဲကနေလက်ပြနှုတ်ဆက်သွားကြပြီ။သင်ကတော့ အခုထိအသက်ရှင်နေသေးတယ်။ သင် ဘာကြောင့် ဒီနေ့အသက်ရှင်နေတာလဲ။

ရှင်ခြင်းနဲ့ သေခြင်းသိပ်ကိုမှ နီးစပ်တဲ့ ဒီလောကကြီးထဲမှာရှင်သန်နေတဲ့သူတွေ၊ သေဆုံးသွားတဲ့သူတွေ၊ ရှင်လျှက်သေနေတဲ့သူတွေ အများကြီးပါ။သင်ကရောပထမအမျိုးအစားလား၊ တတိယအမျိုးအစားလား။ အသက်ရှင်နေရင်းနဲ့ ဘာလို့ရှင်နေမှန်းမသိအောင်ရော ဘဝက ခက်ခဲလွန်းလား။ တကယ်တမ်းတော့ ခက်ခဲတယ်။ လွယ်ကူတယ်ဆိုတာပညတ်ချက်တွေပါ။ ကိုယ်လိုချင်တာဆိုရင်ဘယ်လောက်ခက်ခက် ရအောင်ယူကြတဲ့သူတွေချည်းပါပဲ။ မရတော့ဘူးဆိုပြီးလက်လျော့လိုက်တာကတကယ်မလိုချင်တော့လို့ပါ။ ဒါဆိုရင် သင်ဘာလို့ ဒီနေ့အသက်ရှင်နေတာလဲ။

လေးစားမှု။ စာလုံးသုံးလုံးထဲပေမယ့် အဓိပ္ပာယ်လေးနက်မှုနဲ့သက်ရောက်မှုက အနှိုင်းမဲ့ပါ။ လူတစ်ယောက်ကိုလေးစားဖို့ ဘာတွေ လိုလဲ။ ဂုဏ်တွေလား။ ပညာတွေလား။ငွေကြေးဥစ္စာတွေလား။ ရုပ်ရည်ရူပကာလား။ အောင်မြင်မှုလား။ လူတစ်ယောက် ဆီက လေးစားမှုရဖို့အတွက်ကရောဘာတွေလိုမလဲ။ပေးဆပ်ခြင်းလား။ အောင်နိုင်ခြင်းလား။ မေးစရာမေးခွန်းတွေအများကြီးပါ။

အရိုးရှင်းဆုံးအဖြေတစ်ခုကတော့ လေးစားထိုက်ဖို့ပါ။တစ်ယောက်နဲ့တစ်ယောက်သတ်မှတ်ထားတဲ့ စံနှုန်းတွေမတူကြဘူး။ တစ်ယောက်ဆီမှာရှိတဲ့ အရည်အချင်း။ အရည်အသွေး၊ ကွဲပြားတယ်။အထူးသဖြင့် ကိုယ့်မှာမရှိတဲ့အရာရှိတဲ့သူ၊ ကိုယ်မစွမ်းဆောင် နိုင်တာကိုလုပ်နိုင်တဲ့သူ၊အများအတွက် ကိုယ်ကျိုးကိုမငဲ့တဲ့သူ။ လေးစားခြင်းခံရဖို့အတွက် တကူးတကလုပ်ယူစရာတွေ လည်းရှိသလိုလုပ်ယူစရာတွေလည်းအများကြီးပါ။အရေးကြီးဆုံးကတော့ လေးစားထိုက်ဖို့ပါ။

အနားယူတဲ့နေရာမှာလည်း စိတ်ရော၊ ကိုယ်ပါ အနားယူပါ။ပင်ပန်းနေလို့ ခရီးတော့ထွက်လိုက်ပါတယ်။ အလုပ်အကြောင်းပဲတွေး၊ အလုပ်ပဲလုပ်နေတာမျိုးကလည်း ကျွန်တော်တို့ကို ပြည့်ပြည့်ဝဝ အနားရတယ်လို့ခံစားရစေမှာ မဟုတ်ပါဘူး။အနားယူတဲ့အချိန် စိတ်ရော၊ ကိုယ်ပါအနားယူပြီး အလုပ်လုပ်တဲ့အချိန် စိတ်ရော၊ကိုယ်ပါနှစ်ပြီး အလုပ်လုပ်ပါ။တစ်ခါတစ်လေ မှာ လွှတ်ချသင့်တဲ့ အရာတွေကိုလွှတ်ချလိုက်တာ အကောင်းဆုံးပါပဲ။ မိသားစုကြား၊ မိတ်ဆွေ သူငယ်ချင်း၊ချစ်သူရည်းစားကြားမှာဆိုလည်း ကိုယ့် အနေနဲ့ လက်လွှတ်ပေးသင့်တဲ့အနေအထားမျိုးတွေဖြစ်လာရင် လက်လွှတ်ပေးလိုက်ပါ။ ကိုယ်တိုင်အတွက် လည်း စိတ်ဖိစီးမှုလျှော့ကျစေသလို တစ်ဖက်သားအတွက်လည်း ပိုကောင်းပါတယ်။နောက်ထပ်အနေနဲ့ လိုအပ်လာတဲ့အချိန် တိုင်းမှာ ကိုယ်တိုင် ရဲ့အတွေးတွေကို ပြောင်းလိုက်ပါ။ တစ်ခါတစ်လေတော့အလုပ်မှာ အထက်လူကြီး ကပဲဖြစ်ဖြစ် တစ်ခါမှ မလုပ်ဖူးသေးတဲ့ task တစ်ခုကို လုပ်ခိုင်းလိုက်တဲ့အခါ လုပ်စရာတွေကများလိုက်တာ ငါတော့အဆင်ပြေမှာ မဟုတ်ဘူးဆိုပြီးတွေးမယ့် အစား ငါတော့ အသစ်တစ်ခုကို လေ့လာရတော့မှာပဲဆိုပြီးတွေးလိုက်ပါ။ ဒါဆို စိတ်ညစ်နေတာ အနည်းနဲ့အများတော့လျော့သွားနိုင်ပါတယ်။

ကျွန်တော်တို့လူသားတွေဆိုတာ ခံစားတတ်တဲ့ အသည်းနှလုံးပိုင်ရှင်တွေဆိုတော့ ချစ်တတ်တယ်။ကြည်နူးတတ်တယ်။ ပျော်ရွှင် ဝမ်းသာတတ်တယ်။ ခင်မင်တွယ်တာတတ်တယ်။ အဲဒီအလားတူ မုန်းတီးတတ်၊ရွံရှာတတ်ကြပါတယ်။ အသက်ရှင်နေသမျှ ကာလ ပတ်လုံးမှာ တစ်ယောက်မဟုတ်တစ်ယောက်ကတော့ ကိုယ့်အပေါ်ယုတ်မာကောက်ကျစ်တဲ့စိတ်နဲ့ ဆက်ဆံတာ၊ လိမ်လည်လှည့် ဖြားခံရတာ၊ အသုံးချခံရတာမျိုးတွေကြုံတွေ့ရတတ်ပါတယ်။ ထိုနည်းတူ စွာပဲ ကိုယ့်ဘက်က ပေးဆပ်သမျှကို တွေ့အောင်မရှာ တတ်တဲ့၊မြင်နေရင်းကန်းနေတဲ့သူတွေ၊ ကိုယ့်ကို တန်ဖိုးမထား၊ ကိုယ် ပြောသမျှ အရာမဝင်အလေးမပေးတဲ့သူမျိုးတွေနဲ့လည်းဘဝတကွေ့မှာ ဆုံနိုင်ပါတယ်။ အဲဒီလို အခြေအနေမျိုးမှာ ကိုယ့်အတွက် ခါးသီးတဲ့ ခံစားမှုတွေ၊ဒေါသတွေ၊ နောက် မုန်းတီးတဲ့စိတ် တွေ ဝင်လာတတ်ပါတယ်။ အဲဒီလို အချိန်မှာ ကျွန်တော်တို့တတွေဘာလုပ် တတ်ကြလည်း သည်းခံစိတ်တွေ ထိန်းမရတော့တဲ့ အခါမှာ ရန်ဖြစ်တတ်ကြတယ်။ ပတ်ဝန်းကျင်ကိုတောင်မသိနိုင်တော့တဲ့အထိအော်ဟစ်ဆဲဆိုမှုတွေ လုပ်မိကောင်းလုပ်မိတတ်ကြ ပါတယ်။ ယောင်္ကျားလေးတွေဆိုကိုယ်ထိလက်ရောက်ခိုက်ရန်ဖြစ်ပွားမှုတွေ ပါဖြစ်နိုင်ပါတယ်။ တကယ်တော့ အဲဒါက ကိုယ့်ရဲ့ဆင်ခြင်ဉာဏ်မှာ ထိန်းသိမ်းထားနိုင်စွမ်း နိမ့်ကျရာကဖြစ်လာတဲ့ ရလာဒ်ပါ။                  

 တကယ်တော့ကိုယ့်ကို အလေးမထားတဲ့သူ၊ ကိုယ်ပြောသမျှ ကိုယ့်စကားတွေကို တန်ဖိုးမထားတဲ့သူနဲ့ ကိုယ်တကယ်မုန်းတီးရွံရှာတဲ့သူကို အဲဒီလိုတွေ လုပ်နေစရာမလိုပါဘူး။ ဥပေက္ခာပြုပြီး စကားလုံးဝမပြောဘဲနေလိုက်တာကသာ အကောင်းဆုံးပါ။ ပြောရမယ်ဆိုရင်တော့ ခွန်းတုန့်မပြန်ခြင်းက ကိုယ့်စကားတွေကိုတန်ဖိုးမထားတတ်တဲ့သူအတွက် အထိရောက်အပြည့်စုံဆုံး အဖြေတစ်ခုပဲဖြစ်ပါတယ်။ 

ပိုက်ဆံကိုဖြုန်းလိုက်တာက ပိုက်ဆံကိုပဲဆုံးရှုံးမှာဖြစ်ပေမယ့် အချိန်ကိုသာဖြုန်းခဲ့မယ်ဆိုရင်တော့သင့်ရဲ့ဘဝတစ်စိတ်တစ်ပိုင်းကို ဆုံးရှုံးလိုက်ရမှာပါ။ တန်ဖိုးကြီးမားတဲ့ အချိန်ကို ရည်ညွန်းတင်စားထားတဲ့ဘဝရဲ့အချိန်တွေကို အလဟာသ မဖြုန်းတီးပစ်စေဖို့ သတိပေးဆုံးမနေတဲ့စကားတစ်ခွန်းပါ။  ပိုက်ဆံဆိုတဲ့အရာကို ဖြုန်းတီးလိုက်မိရင်တောင်မှ အဲဒီပိုက်ဆံကိုပဲ ဆုံးရှုံးလိုက်ရမှာပါ။ ကုန်သွားတဲ့အဲဒီငွေပမာဏအတိုင်း ဒါမှ မဟုတ် အဲဒီထက်ပိုတဲ့ပမာဏကိုပါ ကျွန်တော်တို့ ပြန်ရှာနိုင်ပါတယ်။ဒါပေမယ့် တန်ဖိုး ကြီးမားတဲ့ အချိန်ကို အလဟာသ ဖြုန်းတီး ပစ်လိုက်မယ် ကုန်ဆုံးစေလိုက်မယ်ဆိုရင်တော့ကုန်ဆုံးသွားတဲ့ အဲဒီအချိန်တွေကို ကျွန်တော်တို့ ဘယ်နည်းနဲ့မှ ပြန်ရှာလို့ ရမှာ မဟုတ်ပါဘူး။အချိန်ဆိုတာ ရွေ့လျားနေသလို အဲဒီရွေ့လျားနေတဲ့ တစ်နာရီတိုင်း တစ်မိနစ်တိုင်း တစ်စက္ကန့်တိုင်းမှာအဖိုးမဖြတ်နိုင် လောက်အောင်တန်ဖိုးရှိပါတယ်။ ဒီတော့ အဲဒီလို တန်ဖိုးရှိလှတဲ့ အချိန်တွေကိုဒီအတိုင်း ကုန်ဆုံးပြစ်လိုက်မယ်ဆိုရင် တန်ဖိုးရှိလှတဲ့ ကျွန်တော်တို့ရဲ့ ဘဝတွေ တက်ကြွလန်းဆန်းနေတဲ့ငယ်ရွယ်နုပျိုစဉ်က ပြည့်ဝနေတဲ့ အားအင်တွေ၊ ပြန်လည်ရယူနိုင်ခွင့်မရှိတော့တဲ့ နာရီမိနစ်စက္ကန့်တွေဟာဖြုန်းတီးပစ်လိုက်သလိုပါမှန်းမသိ ပါသွား မှာပါ။                                                                                   

မိသားစုတစ်ခုမှာ ငွေကြေးဆိုတာ ရာခိုင်နှုန်း တစ်ချို့ တစ်ဝက်ကို အရေးကြီးတာမှန်ပေမယ့် ရာနှုန်းပြည့်တော့အရေးမကြီးနိုင်ပါဘူး။ တကယ်တမ်းမိသားစုထဲမှာ အချင်းချင်း ရင်းနှီးနွေးထွေးမှု၊ ချစ်ခင်ကြင်နာမှု၊ အမြတ်တနိုးဂရုစိုက်တတ်မှုတွေကသာ သာယာ ပျော် ရွှင်တဲ့မိသားစုဘဝကိုရရှိနိုင်တာပါ။ ကိုယ့်အတွက် အရေးကြီးဆုံးကကိုယ်ကိုတိုင်နဲ့ ကိုယ့်ရဲ့မိသားစုဆိုတာကိုအားလုံးလက်ခံထား ကြမှာပါ။ ဒါဆိုရင်တော့ ကိုယ့်ရဲ့ မိသားစုထဲမှာဘယ်အရာကအဓိကလိုအပ်သလဲဆိုတာကိုသတိပြုမိဖို့လိုပါတယ်။ငွေကြေးဥစ္စာဓနဆိုတာ အရာ တော်တော်များများကိုအလဲအထပ်လုပ်လို့ရကောင်းရနိုင်ပေမယ့် မိသားစုဝင်တွေကြားကနွေးထွေးကြင်နာမှုကိုတော့ ဘယ်နည်းနဲ့မှ လဲယူလို့ မရပါဘူး။ တစ်ယောက်နဲ့တစ်ယောက် ချစ်ခြင်းမေတ္တာတွေနဲ့အေးချမ်းတဲ့မိသားစုဘဝထက် ဘယ်လိုအရာ ကမှ ပိုလို့အရေးမကြီး နိုင်ပါဘူး။ ဒီလိုပါပဲကိုယ့်အနားမှာအခုချိန်ထိမိဘဘိုးဘွားတွေသက်ရှိထင်ရှားရှိနေသေးမယ်ဆိုရင် သူတို့ကို ရိုရိုသေသေဆက်ဆံ ပါ။ ကိုယ်တတ်နိုင်သမျှ ကျွေးမွေးပြုစုပါ။နှောင်းနောင်တတွေရနေမယ့်အစားအခုလက်ရှိ ရနေသေးတဲ့ အခွင့် အရေးကို အကောင်းဆုံး အသုံးချပါ။

ကောင်းမွန်မှန်ကန်တဲ့ဆက်ဆံရေးတစ်ခုဖြစ်ဖို့ ရိုးသားမှုတွေနှစ်ပေါင်းများစွာနဲ့တည်ဆောက်ရပေမယ့် တစ်ခုတည်းသောမုသားက တော့ ထာဝရပျက်စီးသွားစေနိုင်ပါတယ်။ ပေါင်းသင်းဆက်ဆံရေးဆိုတာလည်းကျွန်တော်တို့ရဲ့ဘဝမှာ အရေးပါတဲ့ကိစ္စတွေထဲက တစ်ခုဖြစ်ပါတယ်။  ကောင်းမွန်မှန်ကန်တဲ့ ဆက်ဆံရေး တစ်ခု Relationship တစ်ခုဆိုတဲ့နေရာမှာ အလုပ်ခွင်ထဲကလုပ်ဖော် ကိုင်ဘက် အချင်းချင်းကြားက ဆက်ဆံရေးလည်းပါတယ်။အလုပ်ရှင်နဲ့အလုပ်သမားကြားက ဆက်ဆံရေးလည်းပါတယ်။ ချစ်သူ နှစ်ဦးကြားက ဆက်ဆံရေးလည်းပါဝင်သလို မိဘနဲ့ သား သမီးကြားကဆက်ဆံရေးတွေ၊ နောက်ဆုံးအိမ်ထောင်သည်တွေရဲ့ ဆက်ဆံရေးလည်းပါဝင်ပါတယ်။ပထမဆုံးအနေနဲ့ တစ်ဦးပေါ် တစ်ဦးကောင်းမွန်မှန်ကန်တဲ့ဆက်ဆံရေးတစ်ခုဖြစ်ဖို့ ဒီစကားထဲကအတိုင်းပါပဲ။ တစ်ဦးပေါ်တစ်ဦးယုံကြည်မှုဆိုတာမရှိမဖြစ်လို အပ်ပါတယ်။ တစ်ယောက်နဲ့တစ်ယောက်ယုံကြည်မှလည်း စီးပွားရေးပဲလုပ်လုပ်၊ကိုယ့်လုပ်ငန်းခွင် မှာပဲ အသုံးချချ ကောင်းမွန်တဲ့ ရလာဒ်တွေရလာမှာပါ။ ဘယ်သူမှ စီးပွားရေးလုပ်ငန်းမှာကိုယ်မယုံရတဲ့သူ၊ သူနဲ့တွဲလုပ်ရင် ကိုယ် စိတ်ပူနေရမယ်ဆိုတဲ့သူနဲ့ လက်တွဲလို့ လုပ်ကိုင်ချင်မှာမဟုတ်ပါဘူး။ဒါကြောင့် ကိုယ်ကအများသူငါရဲ့ယုံကြည်မှုရအောင် နေရပါ မယ်။  

နောင်တဆိုတဲ့သဘောအတိုင်းနောင်မှတရတာဖြစ်တဲ့အတွက် မှားခဲ့တဲ့အမှားတွေကတော့ ကိုယ်ကလုပ်ဆောင်ကျူးလွန်ပြီးနေပါပြီ။ဘယ်နည်းနဲ့မှ ပြန်လည်ပြီးတော့ ပြင်ဆင်ဖို့ အချိန်ကိုနောက်ပြန်လှည့်လို့မရတော့ပါဘူး။ဒါကြောင့် ကိုယ်မှားတာကိုသိပြီ လက်ခံ လိုက်ပြီဆိုတာနဲ့ နောင်တရနေတာမျိုးထက် ဘာကြောင့်အဲဒီအချိန်တွေတုန်းကငါလုပ်မိတယ်။ ငါပြောမိတယ်ဆိုတာကို သေသေ ချာချာတွေးတောဆင်ခြင်သုံးသပ်ကြည့်ပါ။တစ်ခါတစ်ရံကိုယ်ကမသိလို့မှားတာမျိုးလည်းဖြစ်နိုင်သလိုပတ်ဝန်းကျင်နဲ့ အခြေအနေ အကြောင်းကြောင်းကြောင့်မလုပ်သင့်မှန်းသိသိကြီးနဲ့ လုပ်လိုက်ရတာမျိုးလည်းဖြစ်နိုင်ပါတယ်။ ဒါကြောင့် အတိတ်ကအမှားတွေအတွက် အချိန်တွေနောက်ပြန်လှည့်ဖို့ Time Machineလိုက်ရှာနေမယ့်အစားကိုယ်ဘာကြောင့်မှားခဲ့သလဲအဲဒီ လိုမျိုးနောက်ထပ် မမှားဖို့ ဘာတွေကိုရှောင်ရမလဲ။ ဘာတွေကိုဆောင်ရမလဲဆိုတာကိုတွေ့မြင်သိအောင်ရှာဖွေပါ။တွေးတောဆင်ခြင်ပါ။ သိပြီဆိုရင် လည်းမှားခဲ့ဖူးတဲ့အတွေ့အကြုံတွေကိုသင်ခန်းစာယူပြီးနောက်တစ်ခါဘယ်သောအခါမှမမှားရအောင် ကိုယ့်အနေနဲ့ ဆင်ခြင်ပါ။ တချိန်တုန်းကအတွေ့အကြုံနုငယ်စဉ်ကမှားခဲ့တဲ့အတွက်ကိုယ့်ကိုကိုယ်ဒေါသတွေထွက် အပြစ် တွေတင်နေမယ့်အစားအဲဒီလိုမျိူး ကိုယ်မသိခဲ့လို့ မှားခဲ့တာတွေကိုကိုယ်တိုင်ကကိုယ့်ကိုယ့်ကိုယ်ပြန်ပြီးခွင့်လွှတ်တဲ့စိတ်ကို မွေးပြီးအမှန်ကိုအမြန်ဆုံး ပြင်ဆင်နိုင် ပါစေ။                                                                                                                                                        

ငွေနဲ့ ပျော်ရွှင်မှု‌တွေကို ဝယ်လို့မရဘူး။ ‌ငွေနဲ့အောင်မြင်မှုကို ဝယ်လို့မရဘူး။ ငွေနဲ့ ချစ်ခြင်းမေတ္တာကို ဖန်တီးယူလို့မရဘူး။ ဒါပေမယ့် တကယ့်လက်တွေ့ကျတဲ့ ပြဿနာတွေနဲ့ အခြေခံစားဝတ်နေရေးကို ဖြေရှင်းဖို့အတွက်တော့ ငွေက မဖြစ်မနေ လိုအပ်တယ်။ ငွေရှိခြင်းရဲ့ အကြီးမားဆုံး အကျိုးကျေးဇူးက မိတ်ဆွေအနေနဲ့ ‌အခြေခံစားဝတ်နေရေးနဲ့ပက်သတ်ပြီးစိတ်ပူစရာမလိုတာပဲ။ တစ်လတစ်လ မီတာဆောင်ဖို့၊ အခြား Bills တွေဆောင်ဖို့ စိတ်ပူနေစရာမလိုဘူး..။ ဆန်၊ဆီ၊ဆား နဲ့ ဟင်းချက်စရာတွေ၊ အိမ် အသုံးအဆောင်တွေဝယ်ဖို့စိတ်ပူစရာမလိုဘူး..။ ဒီအခြေခံလိုအပ်ချက်တွေကို စိတ်ပူနေစရာမလိုတဲ့အခါကိုယ်ဖြစ်ချင်တာတွေ၊ ကိုယ့်ရည်မှန်း‌ချက်တွေကို ပိုပြီး လွယ်လွယ်ကူကူနဲ့ အကောင်အထည်ဖော်ဖို့ ကူညီပေးပါလိမ့်မယ်။