ДОКТОРАНТ подкаст

“Мэдье, Түгээе” Докторант подкастын ээлжит дугаарт Японы Тояамагийн их сургуулийн судлаач, Монголын Анагаахын Шинжлэх Ухааны Үндэсний их сургуулийн физиологийн тэнхмийн багш, Хүний их эмч, Анагаах ухааны доктор Ч. Чинзориг оролцлоо.

Тэрээр анагаах ухааны боловсрол судлалын чиглэлээр магистр хамгаалсныхаа дараагаар хүний мэдлэг оюун ухааныг хэрхэн судалдаг талаар олж мэдэхийг хүсэн, Нейрофизиологийн салбарт судалгаа хийж эхэлсэн байна.

Орон зайн тѳсѳѳллийг тархи хэрхэн бүрдүүлдэг тухай хийсэн түүний судалгаа болон Нейросайнс бидний ѳдѳр тутмын амьдралд хэрхэн холбогдож байдаг талаар маш сонирхолтой яриаг ѳрнүүллээ.

“Мэдье, Түгээе” Докторант подкастын шинэ дугаарт манай хөтлөгч Б.Ундармаа оролцлоо. Токиогийн их сургуулийг Цөмийн инженерээр мастерын зэрэгтэй төгссөн Ундаак маань одоо Japan NUS Co.,Ltd-д ажилладаг.

Сурагч байхаасаа Улаанбаатарын утаанд санаа зовон шийдэл хайдаг байсан тэрээр агаар бохирдуулдаггүй цөмийн эрчим хүчний боломжийг сонирхож, мөн физикийн хичээлдээ дуртай байсан нь мэргэжлээ сонгох шалтгаан болсон байна. Одоо харин цөм гэлтгүй сэргээгдэх, нүүрсний зэрэг бүх төрлийн эрчим хүчний эх үүсвэрийн талаар Японы томоохон компаниудад зөвлөх үйлчилгээ үзүүлдэг.

Монголд цөмийн цахилгаан станц барих хэрэгтэй юу?, Ирээдүйд Монгол улс ус төрөгч экспортлох боломжтой? зэрэг сонирхолтой яриа өрнүүллээ.

#МэдьеТүгээе #ДокторантПоткаст #DoctorantPodcast

"Мэдье, Түгээе" Докторант подкастын удаах дугаарт манай хөтлөгч Г.Энхтуул оролцлоо. Осакагийн их сургуулийг Химийн Инженерийн докторын зэрэгтэй төгссөн Туул маань одоо Shiseido Group-ын судалгааны төвд судлаачаар ажилладаг.

Сурч байх хугацаандаа өөрийн мэргэжилтэй уялдаатай “Нөхөн Сэргээх Анагаах Ухаан” буюу эд эрхтнийг инженерчлэлийн аргаар гарган авах судалгаа хийдэг байжээ. Хүний эд эрхтэнг байгалийн гаралтай материал буюу Hydrogel ашиглан 3D Bioprinter-ээр хэвлэж, өвчтөнд шилжүүлэн суулгах цоо шинэ салбарын талаар сонирхолтой яриа өрнүүллээ.

Ойрын ирээдүйд хүнд өвчнөөс, тэр дундаа хорт хавдраас айх хэрэггүй болох уу?

#МэдьеТүгээе #ДокторантПодкаст #DoctorantPodcast

Токиогийн Их Сургуулийн Хот Төлөвлөлтийн Докторант Г.Лувсанжамц (Лука) : "Эх хотоо төлөвлөе, хөгжье."

- Газрын менежмент ба нийтийн тээврийн ач холбогдол, мөн иргэдийн оролцоо нь түгжрэл 🚘, утаа 😷 гэх мэт Улаанбаатар хотын тулгамдсан асуудалтай хэрхэн холбогдох вэ?

Мэдье, түгээе! ДОКТОРАНТ подкастын анхны дугаар