Dominio

Este é o derradeiro capítulo da novela Dominio, e, non, desta tampouco vou poñer nin sequera un pequeno adianto do seu contido. O que si vou facer é agradecerche que escoitases os dezanove capítulos anteriores; ou que os vaias escoitar, neste caso, recomendo, tamén, descargar a novela, de balde, por se houbese a remota remotísima posiblidade de perderse: https://www.bubok.es/libros/8313/Dominio-Lendas-de-paixon-dun-dominio-perdido-e-atopado-por-un-Afgano

A Lideresa do Sector_a, Hotspot e o Yeti avanzan polos laberínticos corredores do edificio de Juan Flórez 80 ate unha sala, de súpeto escoitan un ruído na parede. Sasser confésalle a Miss Comtred como soubo que Espís Trin aparecera pola empresa. Catwoman fálalle ó metrosexual Doutor Zyxel 660 da súa orixe e dille que ten unha irmá.

O Malvado malvadísmo Doutor TCP/IP prepara, en solitario, o encontro perfecto con Cor, ó non darse reconciliado con Invisible, que aínda ten moi presente a xogada do seu, noutrora amigo. O Investigador e Catwoman chegan ó apartamento da estilosa Srta. New Look para atopar a Juindon e Poppy perplexas ca reacción de Siga ó ver de novo ó despistado Doutor Zyxel 650.

Hotspot achégase cada vez máis á escaleira asasina e comeza a percibir "cousas", o detective supersegredo do CSI estaba estreitando o cerco sobre o Malvado malvadísimo TCP/IP, sen que este se decatase de nada porque seguía concentrado nas súas investigacións para conquistar a Cor e Miss Comtred e Mr Llollovic achéganse ó ático de Espís Trin para achar máis pistas sobre a súa desaparición.

Por un lado profundizamos na vida máis persoal do Doutor TCP/IP, por outra a Lideresa do Sector_a (a nosa radical favorita) está en pleno rescate do tal Zilarte e de Hotspot (unha vixiante da praia, que deixou a súa california natal porque estaba farta de que a encasillasen como a típica loira californiana, retocou as raíces e marchou o máis lonxe da civilización que puido, e acabou montando unha discográfica aquí na coruña) e por último, Pelusa, outro que tal baila,fai unha...

Por fin imos coñecer a escura motivación do malvado Doutor TCP/IP e, ademais, a Juindon, Poppy (a nosa executiva de alto nivel favorita), Anao (a nosa executiva agresiva favorita) e á estilosa Srta. Newlook case lles da un ataque cando lle escoitaron a mariposa* (a nosa japiflauer favorita) que lle pareciu oi-la voz de dinámico (o dono de bollicaoslain que por facerse o investigador super profesional acabou pechado nun trailer de zara, xa me diredes que tiña que ir investigar alí dentro).

A lideresa do sector_a (a nosa radical favorita) diríxese ó enderezo que lle facilita Celia para rescatar a Crawford. Mentres o Investigador (que era tan bo que todos decían que era lapolla, pero eu son demasiado fina para repetir semellante cousa) e Catwoman ían á carreira con Miss Comtred (a investigadora da nobleza especializada en roubos de guante blanco porque eran os que máis cartos lle daban, a parte de que se podía pegar unha vida de cine de hotel en hotel, e aló pola riviera francesa e tal, e que se acabou asociando con Adslpp o noso contacto en Beijing)e Mr. LLollovic cara o aeroporto de Alvedro.

Crawford (que xa volvera da riviera francesa onde andivera livinlavidaloca cun home moi importante do que non se podía deci-lo nome, pero que tiña por iniciais, jm. e que eu por puro amor ó cotilleo dixen o nome que e é jonh, que total como non me pagan a exclusiva, pero agora que xa volviu non sei se deci-lo apelido)métese de cheo na investigación do caso da escaleira asasina sen decatarse de que Celia igual non sigue as súas instruccións. Ó tempo as nosas heroínas consiguen fuxir do Monstro das sete caras e Dinámico acaba, non se sabe como, dentro dun contenedor de Zara.

O investigador (que era tan bo que todos decían que era lapolla, pero eu son demasiado fina para repetir semellante cousa) está a piques de vivir, neste episodio, case unha experiencia relixiosa ó descubir, por fin, quen é a misteriosa rubia do paso peonil, cando Crawford aparece, por fin, pola oficina.

As nosas heroínas non toman en serio ó Monstruo das sete caras pese a que Juindonkispé (a nosa libertadora de loiramelenapantenporquellolovalgo favorita) lles insistía en que era supermegaperigosísisimo. Mentres, Dinámico, seguindo o proceso de investigación chega ó aeroporto de Alvedro para descubir que Mr. Llollovic está alí en lugar de dirixindo o seu imperio como lle encomendara.