Dowlad-Dhis Podcast

Waxbarashadu waa tiir muhiim u ah dowlad-dhiska, horumarinta bulshada iyo dhismaha muwaadin leh aqoon, karti iyo masuuliyad. Haddaba, sidee ayay waxbarashadu uga qayb qaadan kartaa dowlad-dhis waara?

Xalqadda 7-aad ee Dowlad-dhis Podcast waxay diiradda saaraysaa doorka waxbarashada ee dowlad-dhiska Soomaaliya. Waxaa marti ku ah Dr. Saciima Cabdullaahi, Guddoomiyaha Golaha Sare ee Machadka IRAD.

Dooddu waxay ku bilaabanaysaa dulmar ku saabsan xaaladda guud ee nidaamka waxbarashada dalka, caqabadaha jira iyo horumarrada la sameeyey. Sidoo kale, waxaa si gaar ah loo falanqaynayaa helitaanka waxbarasho ee bulshooyinka nugul, gaar ahaan barakacayaasha iyo dadka ku nool deegaannada fogfog.

Intaas waxaa dheer, xalqaddu waxay si qoto dheer u eegaysaa manhajka waxbarashada iyo kaalinta uu ku leeyahay soo-saarista muwaadin aqoon, karti iyo masuuliyad u leh horumarka dalka. Waxa kale oo laga hadlayaa doorka dowladda ee dhismaha, tayeynta iyo maamulidda nidaamka waxbarashada.

Ugu dambayn, dooddu waxay soo bandhigaysaa talooyin iyo mudnaanta ugu muhiimsan ee u baahan in wax laga qabto si loo helo nidaam waxbarasho oo loo dhan yahay, tayo leh, kana qayb qaata dowlad-dhis waara.

Daadihin: Dr. C/rashiid Ismaaciil, Agaasime Ku-xigeenka Machadka Heritage.

Daawo xalqaddan si aad u fahamto xiriirka ka dhexeeya waxbarashada, muwaadinnimada iyo dowlad-dhiska Soomaaliya.

#DowladDhisPodcast #HeritageInstitute #Education #StateBuilding #Somalia

Xalqadadii 6-aad ee Dowlad-dhis Podcast waxaa Marti ku ah Dr. Afyare Cabdi Cilmi oo ah Barre Sarre oo ka tirsan Jaamacadda City university of Mogadishu ahna la taliye Sarre Machadka Heritage, Xalqadaan waxaa diirada lagu saarayaa Wadahadal Qaran & Xiriirka la leeyahay Dowlad-dhiska, ugu horeyn wuxuu sharaxaad ka bixinayaa mowduuca asagoo Ditoorka ku lifaaqayo Daraasad uu dhawaan Machadka & FBA wada sameeyeen. Waxaa lagu iftiimiyey noocyada wadahadalada ayadoo lagu tusaale bixinaayo sida Dowlad-dhiska Somaaliya u qabeeyeen si gaar ah Shirweynihii Nabadeynta ee Carta. Sidoo kale Xalqadaan waxaa tooshka lagu ifiyey marxaladihii uu soo maray dastuurka saameynta, Nidaamka Federaalka & Hab-dhaqanka Hogaamiyaasha ee ku Aadan Sareynta Sharciga & Dowladnimada. Waxaa intaas-dheer in xalqadaan lagu lafo-guray Kiiska Somali-land ayadoo lala Aqrinaayo marxaladihii lasoo maray ka hor Xuriyada. ugu dambeyntii xalqadii waxaa lagu soo gunaanuday nuxurkii kasoo baxay daraasada oo ay ka mid tahay doorka ay siyaasiyiinta ka qaadanayaan wadahadal Qaran, doorka Beesha Caalamka, Kaalinta bulshada rayidka & Muwaadinkaba. 

Xalqadii 5-aad ee Dowlad-dhis Podcast waxey ku saabsan tahay xiriirka ka dhaxeeyo dowlad-dhiska iyo Amniga Qaranka Waxaa Marti ku ah Xuseen Sheekh Cali  oo ah Gudoomiyaha Machadka Saldhig, isla Markaana labo jeer soo noqday lataliyaha Amniga Qaranka. ugu horeyn Wuxuu Sharaxaad ka bixin dona Mowduuca, Xaladihii uu soo maray dalka ee burburkii dowlada & dib usoo yagleelidii Jamhuuriyada Seddexaad, Caqabadaha heysto dowlad dhiska Somaaliya & khataraha Amniga. 

Podcastiga Dawlad-dhis – Xalqada 5aad

Xalqada shanaad ee Dawlad-dhis waxay diiradda saareysaa mid ka mid ah caqabadaha ee waaweyn ee xiligan: Isbedelka cimilada iyo saamaynta ay ku leedahay Soomaaliya.

Xalqadda 2-aad ee podcast-ka Dowlad-dhis ayaa Agaasime Ku-xigeenka Machadka Heritage, Dr. Cabbdirashid Ismaaciil, ku waraysanaaya Prof. Maye Cumar oo ka tirsan Jaamacadda Leeds, isla markaana leh in ka badan 40 sano oo waayo-aragnimo ah dhanka nidaamyada caafimaadka iyo maamulka caafimaadka dadweynaha.

Prof. Maye wuxuu si qoto dheer u falanqeeyey warbixintii ugu dambeysay ee Machadka Heritage uu daabacay, taas oo cinwaankeedu ahaa “Adkaynta Hannaanka Caafimaadka Soomaaliya," isla markaana uu isagu hoggaamiyey.

Sidoo kale, Prof. Maye Cumar wuxuu wareysigan kaga hadlay waayo-aragnimadiisa ballaaran ee ku saabsan ka shaqaynta nidaamyada caafimaadka dalal kala duwan.

📖 Halkaan ka Akhri warbixinta. 👉

Somali: https://bit.ly/4prProz

English: https://bit.ly/44rgbgI

Arabic: https://bit.ly/3LVsADs