دور نبوی سے مربوط ایک اور واقعہ تو گویا ایفائے عہد کا سنگ میل ہے۔ ایک شخص سے قتل کا عمل سرزد ہوگیا۔ قصاص میں اس پر قتل کا مقدمہ قائم ہوگیا۔ وہ تین دن کی مہلت طلب کرتا ہے کہ اپنے اہل ِخانہ سے آخری ملاقات کرلے۔ صحابی رسول حضرت ابوذرؓ اس کی ضمانت لے لیتے ہیں۔ معاملہ یہ طے ہوتا ہے کہ اگر ملزم وقت مقررہ پر نہیں پہنچے گا تو ضامن کو قتل کیا جائے گا۔ تاریخ نے دیکھا کہ ملزم اپنے وعدے کے مطابق وقت مقررہ پر واپس آجاتا ہے۔