حلقة حريــــ 🔥🔥🔥 ــــقة مع الممثلة الرهيبة ريم الحبيب! حكتنا عن تجربتها في الدراما والسينما، من أول كيف سحبت على دراسة القانون عشان تدرس التصوير السينمائي وتصير ممثلة، لين آخر أعمالها ومسلسل شارع الأعشى في رمضان اللي جاي.نقاش مرة ثري بين ريم وهشام، استعرضوا فيه آخر أخبار الأسبوع الفنية: مشاركة ناصر القصبي الأولى في السينما اللي اتمنيناها في دوبو قبل أسابيع، وأمسية الأمير عبدالرحمن بن مساعد في الرياض، وغيرها، وكملوا هروجهم وتصريحاتهم الحصرية بعدها عن أسرار المجال في السعودية، والأعمال اللي يحبوها (خصوصاً أفلام الأبيض وأسود)، وعشق ريم الخاص للثقافة والدراما التركية، ورأيها في النجومية والسينما الأمريكية.. من جد حلقة ما تتفوت!

سارة سحبت على الحلقة عشان عندها تصوير، بس نورتنا الممثلة والكاتبة سوزان أبو الخير كثاني ضيفة في دوبو! وهشام حكانا عن مسيرتها في الكتابة والتمثيل وهي قالت لنا كمان عن آخر تجاربها في تدريب الممثلين في فيلم انصراف، وطبعاً ورتنا آخر أعمال شافتها: فيلم هوبال، ومسلسل أركين اللي هشام مو راضي يتابعو للآخر! حلقة مليانة حوارات وأخبار ومواضيع.. من الفيلم الوثائقي السوداني خرطوم اللي شارك بمهرجان صن دانس، لمسلسل سيفرانس وحلقاته اللي تنزل أسبوع بعد أسبوع، ومع أسئلة الجمهور حكانا هشام عن رأيه في ناصر القصبي وأهميته في الميديا السعودية، واتفلسف مع سوزان عن أهمية الأرشيف في السينما، وأهم شي إنه أخيراً هشام حصل شخص يحب أفلام الرعب والخيال العلمي زيو!

سارة رجعت! ومع هشام سووا حلقة ناااااار 🔥أخبار وفعاليات رهيبة اتكلموا فيها من المدينة المنورة للوس أنجلوس، ولأنه سارة غابت الإسبوع اللي فات رجعوا اتكلموا عن جوي أوردز بس هشام ركز على رائد السينما السعودية المخرج عبدالله المحيسن، واستعرضوا أهم ترشيحات الأوسكار هادي السنة، واتفلسفوا عن فكرة التعاطف مع الشخصيات الشريرة، ومفضلاتهم في السينما والدراما البريطانية.. وأهم شي إنه اتناقشوا مع الجمهور في البث عن اسم سحلية سارة الخضرا! 🦎

"أول دوبو مع ضيف للحلقة.. الكاتبة والممثلة الرهيبة أمل الحربي! اللي نورتنا في غياب سارة لأول مرة عن الدوبرز عشان عندها تصوير 🎥حلقة مرررررررة غير! وفي عز مباراة الاتحاد والشباب.. وبرضو الدوبرز ولعوا الشات وصرنا نحصل فلوس 😂 هشام اتناقش مع أمل عن أفلامها وكتاباتها وولعت هروج! اتكلموا عن الإبداع والصحة العقلية وإيش آخر أشياء حضروها، هذا غير أسئلة الجمهور من الأسبوع اللي فات أو لايف مع أمل.. لا تفوتكم!

اللي ما يتصدق صار أخيراً.. هشام بدأ الحلقة بدون مشاكل تقنية 😂مو بس ملخص الأسبوع اللي كان مليان كلام عن موسم الرياض والكلاسيكو وأخبار تانية حلوة.. سارة عرفتنا على حبها للرسم وأكتر أغاني تحبها لعبد المجيد عبد الله (تدلعه مجودي!) وشاركت هشام في الكلام عن آخر المسلسلات والوثائقيات العربية اللي شافوها، وكلام مرة مهم عن السينما الهندية ومسلسلات الكاتبة مريم نعوم وأفلام المخرج هارموني كوريني.. مع شوية فلسفة عن مفهوم الدعاية السيئة وهل فعلاً موجود. لا تفوتكم الهروج!بث مباشر على اليوتيوب, كل اربعاء الساعة 8 مساء بتوقيت السعودية.

دوبو يحتفل باليوبيل البرونزي (يعني 10 حلقات!) سارة كانت مرة متحمسة بس هشام كالعادة فشلها وبدا الحلقة ومكرفونو مسكر 😂حلقة مرررررة دسمة 🍰 من أول ملخص الأسبوع اللي كان مليان أحداث، لين المنوعات اللي مو راضي هشان يسميها كرنجااااات 😈 هذا طبعا غير الهروج اللي ما تخلص عن الأفلام الآسيوية، والقوة الناعمة الكورية، وفلسفة مرة عميقة عن ليش المؤلفين ما يموتوا (أو يموتوا.. شي زي كدا!) ☠️

حلقة جديد في أول يوم في السنة الجديدة.. هشام استقبلها بقصة شعر جديدة وسارة تستعد لتصوير فلمها الجديد.. مرة حماس! 🥳حلقة دسمة مليانة كلام عن الأفلام اللي ننتظرها في 2025، ونقاشات حامية عن أصالة الأفكار الإبداعية، والوجوه الجديدة، وعلاقة المخرجين بالإعلانات، هادا غير أنه سارة وهشام شاركونا أكتر كتب يحبوها قبل ما نشوف فقرة المنوعات المضحكة.. وسنة سعيدة عليكم!

هشام مبسوط في السعودية وواضح ما وحشتو أجواء الكريسماس في أمريكا، بس لا يخلو الموضوع من الأخطاء التقنية اللي خلت صوت سارة يلععععععلععععععع 😂 وأحياناً هسسسسس 😴حلقة مرة رهيبة! استعرضوا فيها أهم أسئلة الجمهور، واتكلموا عن أحلى مسلسلات 2024، وكيف سارة اشتغلت على مسلسل جميل جداً، والأهم الهروج الفنية والفلسفية وطبعاً الفيديوهات الغريبة اللي دايماً تستنوها.

كالعادة هشام داخل على الجمهور بديكور جديد بس سارة عدتها لأنه في السعودية وبطل هياط هوليوود 😤 حلقة من أروق ما يكون... استعرضوا فيها أفضل أفلام 2024، وآخر الأخبار في الفنون والترفيه وحتى جوائز الألعاب، وما نسيوا يخشوا في الغريق ويتفلسفوا في أفلام الرعب، والكوميديا، وكيف ممكن للبشر يستفيدوا من الشعور بالعار!

من فوز السعودية باستضافة كاس العالم، لفلم سارة الجديد مع يعقوب الفرحان.. اتكلموا واتفلسفوا واتفرجوا وضحكوا.. والأهم أنه سارة فضحت هشام وطلع قاعد في جدة من الحلقة اللي فاتت بس مسوي فيها عنده خصوصية!