ភ្ញៀវ​ប្រចាំថ្ងៃ​របស់​យើង​នៅ​ថ្ងៃអាទិត្យ​នេះ គឺ​លោកឯកអគ្គរដ្ឋទូត​បារាំង ហ្សង់-ក្លូដ ពាំបឺហ្វ  Jean-Claude Poimboeuf ដែលនឹង​​បញ្ចប់​អាណត្តិ​ការងារ​របស់លោក នៅ​ដំណាច់​ខែ​ឧសភានេះ។ ក្នុង​រយៈ​ពេល​បីឆ្នាំ លោក​បាន​ជួយ​ជំរុញ​ទំនាក់ទំនង​ទូត​កម្ពុជា-បារាំងនៅ​លើផ្លូវ​វិជ្ជមាន ហើយ​ក៏​មាន​​ការ​ពង្រីក​ជំនួយ​របស់​បារាំង លើវិស័យ​អប់រំ វប្បធម៌​ សុខាភិបាល ​ការ​អភិវឌ្ឍសង្គម​និង​សេដ្ឋកិច្ច។ ចំពោះ​ទូត​បារាំងថ្មី ដែលមាន​ដើម​កំណើត​វៀតណាម,  លោក​ ហ្សង់-ក្លូដ ពាំបឺហ្វ សង្កត់​ធ្ងន់​ថា លោកស្រី គឺជា​ពលរដ្ឋ​​បារាំង និងជា​អ្នក​ជំនាញ​ការទូត​ចាស់​វស្សា​ ហើយ​ច្បាស់​ជា​នឹង​បម្រើ​ផលប្រយោជន៍សម្រាប់​ទំនាក់​ទំនង​បារាំង​-កម្ពុជា​។