འཛམ་གླིང་གསར་འགྱུར། - ཨ་རིའི་རླུང་འཕྲིན་ཁང་།

དབྱིན་ཇིའི་སྲིད་བློན་ལཱས་ཟི་ཋི་ར་སི་ཡིས་སྲིད་བློན་གྱི་ལས་འགན་འཁུར་ནས་ཉིན་གྲངས་༤༤ལས་འགོར་གྱི་མེད་ནའང་། ཉེ་ཆར་ནས་དཔལ་འབྱོར་སྲིད་ཇུས་དང་འབྲེལ་ཏེ་མོའི་ལས་ཀ་བྱེད་སྟངས་ཐད་ལབ་གླེང་མང་པོ་བྱུང་བ་སོགས་ལ་རྐྱེན་བྱས་ཏེ། གློ་བུར་དུ་ལས་གནས་ནས་དགོངས་པ་ཞུས་ཡོད་པའི་སྐོར་ཕུན་ཚོགས་ཚེ་རིང་གིས་སྙན་སྒྲོན་ཞུས་ཡོད།

བོད་ཀྱི་ཚོང་པ་གྲགས་ཅན་རྡོ་རྗེ་བཀྲ་ཤིས་ལ་རྒྱ་གཞུང་གིས་ཚེ་བཙོན་གྱི་ཁྲིམས་ཐག་བཅད་ནས་ལོ་ངོ་༡༤་ཕྱིན་པའི་སྐབས་འདིར། ཁོང་གི་གཅེན་པོ་སོགས་ཁྱིམ་མི་རྣམས་ཀྱིས་རྡོ་རྗེ་བཀྲ་ཤིས་ལ་ཁྲིམས་ཐག་བཅད་པ་དྲང་བདེན་མིན་ཅེས་ངོ་རྒོལ་ཞུ་གཏུག་གི་ལས་འགུལ་སྤེལ་ཡོད་པའི་གནས་ཚུལ་བསྟན་འཛིན་ལྷུན་གྲུབ་ཀྱིས་སྙན་སྒྲོན་ཞུས་ཡོད།

རྒྱ་གར་གྱི་སྲིད་བློན་ན་རན་ཊ་མོ་ཊིས་ཡིས་དེ་སྔོན་ཁས་ལེན་གནང་བ་ལྟར། རྒྱ་གར་གྱི་དུས་ཆེན་ངྷི་ཝ་ལིའི་སྔོན་དུ་མི་དམངས་ཁྲི་༧་ལྷག་ཙམ་ལ་ལས་ཀའི་གོ་སྐབས་གནང་འཆར་ཡོད་པ་ནི། ཁོང་གིས་རྒྱ་གར་མི་དམངས་ཀྱི་བདེ་དོན་གོང་འཕེལ་གཏོང་རྒྱུའི་ལས་འཆར་གྱི་ཆ་ཤས་ཤིག་ཡིན་པ་བཅས་ཀྱི་གནས་ཚུལ་ནོར་བུ་བསམ་འཕེལ་གྱིས་སྙན་སྒྲོན་ཞུས་ཡོད།

༄༅། །༧གོང་ས་མཆོག་གིས་ཧྥ་རན་སི་ནང་རྟེན་གཞི་བྱས་པའི་“འཛམ་གླིང་ཞི་བདེ་དགོས་པར་རང་ཉིད་ནས་འགོ་བརྩམ་དགོས་ཞེས་པའི་”ཚོགས་པའི་ཚོགས་བཅར་བར་མཇལ་ཁ་དང་བཀའ་སློབ་སྩལ་གནང་བའི་སྐོར་བསྟན་འཛིན་དབང་

འདུས་ལགས་ཀྱིས་གནས་ཚུལ་སྙན་སྒྲོན་གནང་གི་རེད།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

༄༅། །རྒྱ་གར་གྱི་ཀོང་རེས་སྲིད་དོན་ཚོགས་པས་ལོ་ངོ་༢༤འི་རྗེས་སུ་ཐེངས་དང་པོར་གྷན་དྷིའི་ཁྱིམ་ཚང་ནས་མ་ཡིན་པའི་འགོ་ཁྲིད་ཞིག་འདེམས་ཐོན་བྱུང་འདུག་པ་བཅས་ཀྱི་སྐོར་ཀུན་བཟང་སྒྲོལ་མ་ལགས་ཀྱིས་སྙན་སྒྲོན་ཞུ་ཡི་རེད།

༄༅། །རྒྱ་ནག་དམར་ཤོག་གི་ཚོགས་ཆེན་ཉི་ཤུ་པའི་རིང་ལྷ་སའི་ཁུལ་ལ་ཞིབ་བཤེར་གྱི་ས་ཚིགས་མང་པོ་གསར་དུ་བཙུགས་ཏེ་མང་ཚོགས་ཀྱི་ཁ་པར་བསྔོག་བཤེར་དྲི་བརྩད་བྱས་པ་དང་དགོན་སྡེ་ཁག་ནང་བཙན་དབང་གིས་ཚོགས་ཆེན་ཉི་ཤུའི་ནང་དོན་ལ་སློབ་སྦྱོང་བྱེད་འཇུག་གི་ཡོད་པའི་སྐོར་རྒྱལ་མཚན་ཆོས་གྲགས་ལགས་ཀྱིས་སྙན་སྒྲོན་ཞུས་གནང་གི་རེད།

༄༅། །རྒྱ་གཞུང་གིས་བོད་གསེར་རྟ་ཕྱོགས་ནས་བོད་ཀྱི་ཆབ་སྲིད་བཙོན་ཟུར་དང་རྩོམ་པ་པོ་དྲུག་ལ་རྒྱལ་ཁབ་ཁ་བྲལ་གྱི་སྔན་སྐུལ་དང་རྒྱལ་ཁབ་ཀྱི་བདེ་འཇགས་ལ་གནོད་སྐྱོན་བཟོས་པའི་བསྙོན་འཛུགས་འོག་ཏུ་ཁོང་ཚོར་ལོ་༤ནས་༡༤བར་གྱི་དུས་བཀག་བཙོན་འཇུག་གི་ཁྲིམས་ཐག་བཅད་པའི་སྐོར་འཇིགས་མེད་ནང་སྒོས་བཏང་བའི་གནས་ཚུལ་དེར་གསན་རོགས་གནང་།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

༄༅། །ཨ་རིའི་ཕྱི་སྲིད་དྲུང་ཆེ་ཨེ་ཐོ་ནི་སྦིལ་ཀེན་གྱིས་ཞི་ཅིན་ཕིང་གི་འགོ་ཁྲིད་པའི་རྒྱ་ནག་དེ་ཨ་མི་རི་ཀའི་བདེ་འཇག་ལ་ཉེན་ཁ་བཟོ་མཁན་ཞིག་ཏུ་ངོས་འཛིན་གནང་གི་ཡོད་པའི་སྐོར་རྡོ་རྗེ་ཐོགས་མེད་ལགས་ཀྱིས་སྙན་སྒྲོན་གནང་གི་རེད།