འཛམ་གླིང་གསར་འགྱུར། - ཨ་རིའི་རླུང་འཕྲིན་ཁང་།

༄༅། །རྒྱ་ནག་གིས་རང་ཉིད་ཀྱི་མཚོ་དམག་གི་སྟོབས་ཤུཌ་ཆེ་རུ་གཏོང་གི་ཡོད་པ་དེར་གདོང་ལེན་བྱ་རྒྱུར་རྒྱ་གར་གྱིས་ཀྱང་ད་ཆ་མཚོ་ཐོག་ལ་གནམ་གྲུ་འཕུར་ཐུབ་པའི་མཚོ་དམག་གི་གྲུ་གཟིངས་ཆེན་པོ་ཞིག་རྒྱལ་ནང་དུ་བཟོས་ཏེ་བཀོལ་སྤྱོད་འགོ་འཛུཌ་བྱས་ཡོད་པའི་སྐོར་ཕུན་ཚོགས་ཚེ་རིང་ལགས་ཀྱིས་སྙན་སྒྲོན་གནང་གི་རེད།།

༄༅། །ཨ་མི་རི་ཀས་ཐེ་ཝན་ལ་རྒྱབ་སྐྱོར་བྱ་རྒྱུ་ཡིན་པ་བརྗོད་མི་དགོས་པ་ཞིག་ཡིན་རུང་ཐེ་ཝན་རང་ཉིད་ནས་རྒྱལ་སྲུང་བྱེད་རྒྱུར་རང་ལ་འགན་འཁྲི་ཡོད་པ་རེད་ཅེས་ཐེ་ཝན་གྱི་ཕྱི་འབྲེལ་བློན་གྱིས་འབྲེལ་བརྗོད་གནང་ཡོད་པའི་སྐོར་བསྟན་འཛིན་ལྷུན་གྲུབ་ལགས་ཀྱིས་སྙན་སྒྲོན་གནང་གི་རེད།།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

༄༅།། རྒྱ་གར་གྱི་སྤྱི་ཁྱབ་དམག་སྤྱི་པཎ་དྲེ་མཆོག་འདི་ཟླའི་ཚེས་༤ ཉིན་ནས་འགོ་འཛུགས་ཀྱིས་ཉི་མ་ལྔའི་རིང་བལ་ཡུལ་ནང་འཚམས་འདྲིར་ཕེབས་ཀྱི་ཡོད་ཅིང་། ཁོང་གིས་བལ་ཡུལ་གྱི་ཞི་དྲག་གཉིས་ཀའི་དཔོན་རིགས་གཙོ་གྲས་ཁག་དང་མཇལ་ཕྲད་གནང་རྒྱུའི་འཆར་གཞི་ཡོད་པའི་སྐོར་ཚེ་བརྟན་ཆོས་སྒྲོན་ལགས་ཀྱིས་སྙན་སྒྲོན་ཞུ་ཡི་རེད།།

༄༅། །མཉམ་འབྲེལ་རྒྱལ་ཚོགས་ཀྱིས་རྒྱ་ནག་གིས་ཞིན་ཅང་ནང་འགྲོ་བ་མིའི་ཐོབ་ཐང་ལ་རྩིས་མེད་རྡོག་རོལ་བཏང་ཡོད་པའི་སྙན་ཐོ་ཞིག་གསལ་བསྒྲགས་གནང་པའི་རྗེས་སུ་སྲིད་གཞུང་ཁག་གིས་ཞིན་ཅང་གི་ནང་གཞུང་འབྲེལ་གྱི་འདྲི་ཞིབ་བྱ་དགོས་པའི་རེ་སྐུལ་གནང་ཡོད་པའི་སྐོར་ནོར་བུ་བསམ་འཕེལ་ལགས་ཀྱིས་སྙན་སྒྲོན་གནང་གི་རེད།།

༄༅། །འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གིས་ཤར་ཊུར་ཀིས་ཐན་ནམ་ཤིན་ཅང་ནང་གི་འགྲོ་བ་མིའི་ཐོབ་ཐང་རྡོག་རོལ་བཏང་ཡོད་པའི་སྙན་ཐོ་ཡོངས་གྲགས་བྱས་པར་རྒྱ་ནག་གཞུང་གིས་མི་འདོད་པའི་རྣམ་འགྱུར་ཤུགས་ཆེ་གསལ་སྟོན་བྱས་ཡོད་པའི་སྐོར་རིག་འཛིན་ལགས་ཀྱིས་སྙན་སྒྲོན་ཞུ་ཡི་རེད།།

༄༅།།ཨུ་རུ་སུས་རྒྱ་ནག་དང་རྒྱ་གར་སོགས་རྒྱལ་ཁབ་ཁག་ཅིག་མཉམ་དུ་བདུན་ཕྲག་གཅིག་ཙམ་རིང་གི་དམག་རྩལ་སྦྱོང་བརྡར་ཞིག་འགོ་འཛུགས་བྱས་ཡོད་པའི་སྐོར་རྒྱལ་མཚན་ཚེ་རིང་ལགས་ཀྱིས་སྙན་སྒྲོན་གནང་གི་རེད།

༅༅། །ཐའེ་ཝན་གྱི་ཕྱུག་བདག་ཚའོ་ཚའོ་ཡིས་རེས་གཟའ་ཕུར་བུའི་ཉིན་གསལ་བསྒྲགས་སྤེལ་བར་ཁོང་གིས་རིང་མིན་ཐའེ་ཝན་མི་སེར་གྱིས་རྒྱ་དམག་འགོག་སྲུང་ཆེད་དུ་ཨ་སྒོར་ས་ཡ་༣༣མཁོ་འདོན་བྱས་ཏེ་ཐའེ་ཝན་གྱི་འགོག་སྲུང་ལ་ཤུགས་སྣོན་རྒྱག་རྒྱུ་ཡིན་པའི་སྐོར་བདེ་ཆེན་རྒྱ་མཚོ་ལགས་ཀྱིས་སྙན་སྒྲོན་ཞུ་ཡི་རེད།།

བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་བརྒྱུད་མགོན་པོ་དོན་གྲུབ་ལགས་ཚོགས་གཙོར་བསྐྱར་འདེམས་བྱས་འདུག་པ་དང་། བོད་ཀྱི་གཞོན་ནུ་ལྷན་ཚོགས་ཀྱི་ཉིན་གྲངས་དྲུག་རིང་གི་ཚོགས་ཆེན་གྱི་ཉིིན་མཐའ་མར་དབུས་སྤྱི་ཁྱབ་རྒྱུན་ལས་རྣམས་གསར་འདེམས་བྱས་ཡོད་པའི་སྐོར་འཇམ་དབྱངས་རྒྱ་མཚོས་སྙན་སྒྲོན་ཞུས་ཡོད།

༸གོང་ས་སྐྱབས་མགོན་ཆེན་པོ་མཆོག་གིས་ནོ་བྷེལ་ཞི་བདེའི་གཟེངས་རྟགས་བཞེས་མྱོང་མཁན། ཨུ་རུ་སུ་སྤྱི་མཐུན་རྒྱལ་ཁབ་ཀྱི་སྲིད་འཛིན་ཟུར་པ་མི་ཁལ་གྷོར་བྷ་ཆོབ་འདས་གྲོངས་སུ་ཕྱིན་པར། ཁོང་གི་ཤུལ་ལུས་ནང་མི་རྣམས་ལ་ཐུགས་གསོའི་གསུང་འཕྲིན་་བསྩལ་འདུག་པའི་སྐོར་བསྟན་འཛིན་དབང་འདུས་ཀྱིས་སྙན་སྒྲོན་ཞུས་ཡོད།