Эрхээ зөрчүүлсэн он буюу ковидтой нүүр тулсан энэ жил бид эрүүл мэндээ хамгаалуулах , эмнэлгийн тусламж авах,сурч боловсрох,халдашгүй чөлөөтэй байх , үзэл бодлоо чөлөөтэй илэрхийлэх үг хэлэх, тайван жагсаал цуглаан хийх эрхээ боомилуулж амьд явах эрхээ ч эдлэхэд хүндрэлтэй нөхцөлд өнгөрөөв...100 жилээс өмнөх түүх, соёл, өв уламжлал хаа хоцров?Монгол улсын түүх бичлэгт гарсан гажуудал...Өнөөдрийн онцлох жиргээг сэтгүүлч С. Ганбаяр, Б. Өнөболд нар тайлбарлан хүргэнэ.

Ковидод дарлагдаж халамжинд бөөцийлөгдсөн өдрүүд дуусч,үнэнтэй нүүр тулах цаг шинэ онтой айсуй.72 нэр төрлийн халамжийг 800 мянган иргэндээ үзүүлдэг гэх манай улсын нийгмийн халамжийн зарцуулалт харьцангуй өгөөмөр ч зорилтот бүлэгтээ зөв хүрч чаддаггүй, хэт халамж нь эргээд ард иргэддээ дарамт болж очиж байна...2022 оноос та өөрөө цахилгаан дулаанаа төлж эхлэхэд бэлэн үү? Өнөөдрийн онцлох сэдвийг сэтгүүлч С Ганбаяр,Б.Өнөболд нар тайлбарлан хүргэнэ.

Өр зээлийн дарамт хүн амын 10 хүрэхгүй хувийг эзэлж буй ахмадуудыг ч тойрохгүй байна.Насаараа ажиллаж улсдаа татвар төлчихөөд түүнийхээ үр ашгийг хүртэхийн тухайд бус үлдэж байгаа үр хүүхэддээ тэтгэврийн өр үлдээлгүй нүд анихсаан гэсэн хүсэлтэй ахмадууд цөөнгүй байна.Тэтгэврийн зээлтэй бурханы оронд одсон ахмадуудын асуудал...100, 100 төгрөгөөр нэмэгдэх бензиний үнэ...Өнөөдрийн онцлох жиргээг сэтгүүлч С. Ганбаяр, Б. Өнөболд нар тайлбарлан хүргэнэ.

Хандив хэмээх Авлига

Тэдэнд Монгол гэх "хаягтай" бүх зүйл муухай

Бараа бүтээгдэхүүний хомсдолтой зэрэгцэн долоо хоног тутамд өсч буй шатахууны үнийг чөлөөлж Засгийн газрын биш шатахуун импортлогчдын мэдэх асуудал хэмээн зөнд нь гаргасан шийдвэр цөөн хэдэн импортлогчдыг дэмжсэн бодлого байлаа... Бензиний үнэ өнөөдөр бүх ШТС- уудад ав адил  байна.Өрсөлдөөн ялгарал хаана байна вэ?..Марксист улс төрийн философиор үйл ажиллагаагаа 100 жилийн өмнө эхлүүлж байсан МАН социал демократ зүүний нам болохоо дахин зарласан, коммунист уриа лоозон дэвшүүлсэн, барууны чиглэлийн гэмээр санаа шийдлүүдийг ч цухалзуулсан Ардын намын их хурал тойрсон сэтгэгдлүүд...Өнөөдрийн онцлох жиргээг сэтгүүлч С. Ганбаяр тайлбарлан хүргэнэ.

Уулын мухарт хүрээгүй хүний эрх

Цөөхөн монголчуудын том зовлон цус ойртолт. Хорт хавдрын өвчлөл ихэсч,бие махбодын дархлаа,  өвчин эсэргүүцэх чадвар суларч,  өвчлөлд өртөмтгий болж цаашлаад Монгол хүний аливааг богино хугацаанд хурц сэтгэдэг оюун ухаан мохоход хүргэж буй  цус ойртолтын чимээгүй тахалыг зохицуулах төрийн бодлого хаана байна? Цэцэгнээс мэндэлсэн үрсийн шаналан буюу овоглох овоггүй орхигдсон Олдохын овогтой хүүхдүүдийг яагаад?гэсэн мөнхийн асуулт сэтгэлийн шаналалтай нь дахиад хаях уу?Өнөөдрийн онцлох жиргээг сэтгүүлч С. Ганбаяр, Б. Өнөболд нар тайлбарлан хүргэнэ.

Сугалааны улс

Хөгжлийн бэрхшээл бүр нүдэнд харагддаггүй.Манай улсын хүн амын 4 орчим хувийг эзэлдэг хөгжлийн бэрхшээлтэй иргэдийн 70 хувь нь ажилгүй,50 хувь нь сургуульгүй байна.Хөдөлмөрийн хуулиндаа байгууллагын 25 хүн тутмын нэг нь хөгжлийн бэрхшээлтэй иргэн байна гэж заасан байдаг ч энэ нь төдийлөн хэрэгждэггүй. Жилд 3000 гаруй хүн унаж гэмтэх хальтирч унах зэргээс  золгүй байдлаар хөгжлийн бэрхшээлтэй болж байна.Хүний эрхийн мэдрэмжгүй байдлын талаарх сэтгэгдлүүд...Өнөөдрийн онцлох жиргээг сэтгүүлч С. Ганбаяр, Б. Өнөболд нар тайлбарлан хүргэнэ.