Eagle Radio 91.1

БЗС ил тод болж байна.Цаашид МИАТ,ИНЕГ,Монгол банк,Эрдэнэт үйлдвэр,Ашигт малтмал газрын тосны агентлагын олгосон сургалтын тэтгэлэг,зээлээр үргэлжилнэ...Э.Макроны айлчлалын үр дүн...19 настай цэрэг яагаад амиа хорлов ..Эдгээр болон бусад асуудлаар хэн хэрхэн жиргэснийг сэтгүүлч С.Ганбаяр,О.Эрдэнэчимэг нар тайлбарлан хүргэнэ.

Мах, гурил, сүү, төмс хүнсний ногоо, шар цагаан будаа, элсэн чихэр, ургамалын тос зэрэг өргөн хэрэглээний хүнс болон гэр ахуйн бараа бүтээгдэхүүний үнэ төдийлөн буурахгүй байна. Өсөх болохоороо маш хурдан огцом өссөн бараа бүтээгдэхүүний үнэ маш аажуу бага зэрэг буурч байна. Бензиний үнэ 200 төгрөгөөр нэмэгдэхэд бараа үйлчилгээний үнэ 1-2 хувь өсөх буюу нэг талхны үнэ зургаан төгрөг 28 мөнгөөр нэмэгдэх ёстой тооцоог АМГТХЭГ аас гаргасан байдаг. Гэтэл манайд эдгээр бараа бүтээгдэхүүний үнэ даруй 20-40 хувиар нэмэгдсэн. Үнийн хөөрөгдлийн хяналтгүй байдал үргэлжилсээр байх уу үүнд хэн хяналт тавьдаг вэ? БНСУ -аар жишээлвэл бүтээгдэхүүний үнийг тогтоосон хязгаараас давуулсан тохиолдолд 3 жил хорьж, 50 сая воноор торгохын зэрэгцээ төрийн байгууллагын хяналт шалгалтад эсэргүүцэл үзүүлсэн тохиолдолд 10 сая воноор торгож, 6 сараар хорих арга хэмжээ авдаг байна. Энэ талаарх мэдээллийг тоймч Г.Байгал тайлбарлан хүргэнэ.

Соёлын яамтай болсон ч сэргэлт аваагүй соёлын салбар.Аливаа орон 2 төртэй байдаг гэдэг. Ард түмнээ соён гэгээрүүлэх, сэтгэлийг нь тогтуун байлгах үүрэгтэй урлаг хэмээх 2 дахь төрийн амин сүнс болсон уран бүтээлчдийн амьдрал гундуу байна. Цирк нь устаж, Дуурийн театр, Драмын театр, Үндэсний номын сан, Занабазарын музей, Чойжин ламын сүм музей гээд өв уламжлал, түүх соёлыг агуулж буй барилгууд нь ч мөн гандуу байна...Жирийн нэгэн иргэний хүүхдэд олдоогүй Боловсролын зээлийн санд хүүхдээ чихэж оруулсан улс төрчдийн нэрс тодорсоор л...Өнөөдрийн онцлох жиргээг сэтгүүлч С.Ганбаяр тайлбарлан хүргэнэ.

Явган хүний замын яг голд байрласан гэрлийн шон,эрүүл залуу хүн ч бүдэрч,хальтирч унахаар явган зорчигчийн зам,яармагийн шинэ нүхэн гарц гээд бүх инженер монголоос дайжиж "Би чадна "-чуудаар хийлгэсэн гэж бодогдохоор нийслэлд шинээр хийгдэж буй тохижилтын ажлын талаарх гомдол сэтгэгдлүүд..Өнөөдрийн онцлох жиргээг сэтгүүлч С.Ганбаяр,О.Эрдэнэчимэг нар тайлбарлан хүргэнэ.

ЕБС-ын шалгалтад заавал 2В харандааг ашиглах ёстой юу? Үүнийг заавал ашиглах ёстой гэсэн дүрэм журмыг хэн гаргав? Хэлд орохгүй,хүнтэй харилцаж чадахгүй,дуу чимээнээс цочимтгой,аутизмын шинж тэмдэгтэй хүүхдүүд цэцэрлэгийн нэг ангид 3-4 өөрөө байх болсныг нэгэн багш анхааруулжээ...Өнөөдрийн онцлох жиргээг сэтгүүлч С.Ганбаяр,О.Эрдэнэчимэг нар тайлбарлан хүргэнэ.

Эрээнд 4 одтой зочид буудал 170 юань буюу 87.000 төгрөг.Хамрын хийдэд нурах шахсан халтар гэр хоногийн 180.000 төгрөг,Тэрэлжид 350.000 төгрөг.Нэмээд гар угаах ус,нүхэн жорлонгийн төлбөр төлнө.УБ төмөр замын вокзалын хашаан дотроос такси авахад 3 км газарт 15.000 төгрөг.Хөдөөгүүр нуурын эрэг тойруулан шавсан баахан гэр.

Энэ онд авчрахаар төлөвлөсөн нэг сая жуулчинг ийм дүр зураг, ийм үйлчилгээ хүлээж байна...Эдгээр болон бусад жиргээг сэтгүүлч С.Ганбаяр,О.Эрдэнэчимэг нар тайлбарлан хүргэнэ.

Тойм юу өгүүлэв подкаст

Нэг л өглөө босоход ямар ч гэм буруутай гэмт үйлдэл хийгээгүй хэрнээ баривчлагдаж,шүүн таслах ажиллагаанд оролцохоор болсноо гайхан мухардалд орж буй Иосеф К гэх банкны ажилтан залуу.1915 онд бичигдсэн "Шүүх ажиллагаа" роман ингэж эхэлдэг.Ямар ч утгагүй гэнэтийн баривчилгаа,эсэргүүцэх чадалгүй болтол нь саажуулагч байдал,ар өврийн хаалга,шүүхийн машин,хууль сахиулагчдын худалдагдсан байдал тухайн цаг үеийн байдлыг нэмэлт хачиргүй харуулсан дүр зургууд .."-Би чиний Шүүх ажиллагааг өөрийн гараар хайчлан устгах болно" гэж Макс Брод өөрийн найздаа хошигнон хэлж байсан ч тэрээр хэлсэндээ хүрээгүй юм.1924 оны 6 сарын 3 нд Ф. Кафкаг нас барсны маргааш өдөр "Шүүх ажиллагаа" зохиолыг хэвлүүлж гаргана гэдгээ М.Брод хэвлэлээр зарлаж тун удалгүй 1925.4.26 ны өдөр уг роман хэвлэгджээ.Ингэж 20- р зууны Герман хэлт зохиолчдын ноён оргил болсон Ф.Кафкагийн зохиолууд олны хүртээл болж үлдсэн юм.Гол дүрийн баатараа ялаас чөлөөлөх болов уу гэсэн хүлээлтийг үүсгэсэн хэвээрээ учир битүүлгээр уншигчдыг олон олон асуулт бодолтой нь үлдээдэг энэ зохиолын талаар Номын подкастын дугаарт ярилцахаар бэлтгэлээ.Хөтлөгч Б.Нямцэрэн,И.Сарангоо.

Хүмүүс математикийг төвөгтэй дүрэм,томьёо гэж боддог.Гэвч математик бидний өдөр тутмын амьдралын бүхий л явцад тааралддаг.Бүх салбарт ашиглагддаг түгээмэл хэл гэж болох юм.Хүнсний дэлгүүрт худалдан авалт хийхээс эхлээд төсөв боловсруулах,барилга бүтээн байгуулалт,бүр жолоо барих, аялаж зугаалахад ч математик хэрэг болдог."Би математикийн хичээлийг хэзээ ч сурахгүй" гэж бодсон ч тэр таныг хэзээ ч орхихгүй.Математикийг сурснаар задлан шинжлэх тунгаан бодох чадвар,сэтгэн бодох чадвар түргэснэ,мөн хүүхдийг илүү ухаантай болгоно,тогтмол орлоготой байх,мөнгөө алдахгүй байх хамгийн эхний суурь ч мөн математиктай холбоотой.Ирээдүйд ач холбогдол нь улам бүр нэмэгдэж ядуурал нийгмийн эмзэг байдлаас гарах "тийз" гэж нэрлэгдэж буй математикийн шинжлэх ухааны талаар энэ удаад тоймч Г.Байгал сонирхолтой мэдээллийг бэлтгэн хүргэж байна.

Тойм юу өгүүлэв подкаст