Ek en my mense

Wat gebeur wanneer jy die digterlike proteste van Bob Dylan en die meesleurende storievertelling van Taylor Swift na dieselfde tafel uitnooi?

Wilmi Wheeler verken die unieke VBO waar predikante en musiekliefhebbers gesels oor die diep konneksie tussen popmusiek, lewensverhale en geloof.

Van die liminale tussenin-ruimtes van Dylan se 'Mr. Tambourine Man' tot die 10-minute trooslirieke van Swift se 'All Too Well', ontdek ons hoe musiek as 'n tydmasjien dien en taal gee aan emosies waarvoor ons dikwels nie self die woorde het nie. Musiek bring immers mense met uiteenlopende agtergronde en teologiese uitkyke bymekaar om mekaar se menswees te ontmoet en te herken.

In this episode we sit down with Francesca de Gasparis, Executive Director of the Southern African Faith Communities’ Environment Institute (SAFCEI) and former director at the Green Belt Movement International. Francesca explains that true "eco-justice" means shifting our worldview from seeing humans at the top of a pyramid to recognizing that we are equal parts of a scientific and spiritual "web of life". She argues that addressing climate change goes far beyond simple recycling; it is a structural challenge deeply intertwined with human dignity, poverty, and systemic inequality.

Drawing from her background as a scientist, Francesca shares why faith communities hold the vital "hearts, minds, and values" needed to mobilize change where science and policy alone fall short. She offers practical, local starting points for congregations - such as starting a community soup kitchen to help vulnerable people adapt to climate impacts - and discusses the concept of "active hope" to help us transmute our despair into the daily courage to heal, restore, and rebuild.

Hy het sy loopbaan begin deur skilpaaie en paddas in Jonkershoek te bestudeer, en dit uitgebou tot 'n leeftyd se werk op die hoogste vlak van natuurbewaring in die Wes-Kaap. Dr. Ernst Baard sê natuurbewaring gaan nie net oor bokkies en blommetjies nie, dit gaan oor die stelsels wat ons lewe elke dag onderhou.

In hierdie episode gesels DJ Muller met Ernst oor waarom die Wes-Kaap ekologies so uitsonderlik is, watter bedreigings biodiversiteit vandag in die gesig staar, en waar daar steeds hoop is. Hulle sluit aan by Genesis 1:28 en vra wat verantwoordelike heerskappy oor die aarde in die praktyk beteken, vir 'n gewone lidmaat en gemeente.

Voordat hy 'n praktiese teoloog geword het, was hy 'n fisiese oseanograaf wat seewatertemperature in die Benguela-stroom bestudeer het. Vandag vra dr. Dawid Mouton, senior lektor in Praktiese Teologie by Stellenbosch Universiteit, die vraag: aan wie behoort die aarde eintlik?

In hierdie episode gesels DJ Muller met Dawid oor wat dit beteken om te glo dat God skep, dat God die skepping goed noem, en dat alles aan Hom behoort. Hulle gesels oor 'n "groen reformasie", oor die beeld van die oikos (God se huishouding), en oor wat dit prakties vir gelowiges en gemeentes beteken.

In hierdie episode vier ons ’n merkwaardige mylpaal: tien jaar van kinderteater tydens Pinkster by die Proteahoogte-gemeente. Ons gesels met Christo Botha, Christene Kruger en Siegfried Louw oor hoe ’n droom om jong gesinne te bedien, ontwikkel het in ’n jaarlikse instelling wat die hele gemeente saamsnoer.

Ons gesels oor die krag van stories en waarom dit dikwels meer toeganklik is as tradisionele verduidelikings om die Evangelie oor te dra. Die span deel agter-die-skerms staaltjies oor vanjaar se produksie, Sarie en die Abakus, van die uitdagings om tydspronge in Abraham en Sara se verhaal uit te beeld tot die komiese verligting van ’n pratende kameel.

Drie persone wat onlangs die "Geroep om te Floreer" kursus bygewoon het, vertel oor hul ervaring en hoe hierdie kursus hul gehelp het om nuut oor hulself en hul gemeentes te dink.

Vir meer inligting oor toekomstige kursusdatums, kontak Mathilda by [email protected].

Meer oor die kursus: https://kaapkerk.co.za/wp-content/uploads/2025/06/Geroep-om-te-floreer-.pdf

09 Februarie was die opening van die Teologie Fakulteit in Stellenbosch. DJ Muller het met twee eerstejaar studente gesels oor hul pad tot hier en hul uitkyk op die pad vorentoe. Marnus Havenga deel ook later in die gesprek oor sy waarnemings oor roeping en teologiese opleiding in die breë.

Het jy al gewonder hoekom dit so moeilik is om jou foon neer te sit – al weet jy jy spandeer te veel tyd daarop? Of hoekom jou kind se bui en selfbeeld so direk beïnvloed word deur wat op Instagram of TikTok gebeur?

Ons gesels met dr. Yolinda Steyn, ’n ervare traumakundige en navorser wat al baie jare werk met kinders, jongmense en volwassenes. Haar navorsing en praktyk fokus onder andere op die invloed van sosiale media en hoe dit ons brein, ons verhoudings en ons gesondheid raak.

Besoek Yolinda se webwerf vir gratis hulpmiddels en meer inligting: https://www.drsteyn.com/ Udemy Kursus

Tydens ’n onlangse besoek aan die oorloggeteisterde Oekraïne het ’n paar Suid-Afrikaners 'n groep vroue gaan ondersteun, veral rondom die sekondêre trauma wat hulle beleef. In hierdie episode vertel Dolf Du Plooy en Bernard Joubert hoe dit tans in Oekraïne lyk en hoe hulle sin maak van hul belewenisse. ’n Sleutelfiguur staan uit en help veral vir Dolf om anders na die oorlog te kyk - tot so ’n mate dat hy met ’n gevoel van hoop weer in Suid-Afrika aanland. Haar naam is Lisa, of “die engel in Oekraïne”, soos Dolf haar noem.

Dolf is een van die leraars van Murray Gemeente in De Doorns, en Bernard die besturende direkteur van die Petra Instituut.

Vir meer inligting oor Oekraïne of hoe jy ook betrokke kan raak, kontak Bernard Joubert: [email protected]

As jy die naam Leonard Cohen hoor, is daar waarskynlik twee moontlikhede. Óf jy ken hom as die growwe stem wat soos Bybelverse oor jou spoel. Óf jy onthou hom in Shrek, waar die treffende lied “Hallelujah” die wêreld se kinders (en grootmense) aangegryp het. Sy musiek is ryk aan kontraste: donker én lig, liefde én eensaamheid, lewe én dood.

In hierdie spesiale episode neem Wilmi Wheeler jou terug na die Cohen-konferensie wat in Augustus 2025 in Wellington aangebied is. Ons verken ook hoe diep Bybelse temas deur Cohen se lirieke loop en hoekom sy musiek juis ’n gesprek oor geloof werd is.