Ek nafas aur naseeb ho to aur kya chahiye

Humsafar gar habib ho to aur kya chahiye

Dosti nahin masti hai jalwagahon men bas

Humnawa koi ghareeb ho to aur kya chahiye

Har waqt to nahin hoti chaman men bahaar

Khizaan men andaleeb ho to aur kya chahiye

Raah apni pe chalti hai dunya yeh saari

Rahbar agar raqeeb ho to aur kya chahiye

Mushkil alfaaz ka istemaal koi kamaal nahin hai

Saada lafzon ka adeeb ho to aur kya chahiye

Tanha insaan jaanta hai is baat ko woh khub

Kabhi uske koi qareeb ho to aur kya chahiye

Ranj o gham ki dunya men ghamkhwari hai bahot

Yaro, humsafar muteeb ho to aur kya chahiye

Zindagi ki ladaayi hi bahot kaafi hai, ‘sahil’

Apni paltan ka Rab naqeeb ho to aur kya chahiye

Nafas. Saans

Habib. Someone close

Andaleeb. Bulbul

Raqeeb. Rival

Ghamkhwaari. Sympathizing

Muteeb. Charming. Lively

Naqeeb. Chief. Leader

All material in this product is the intellectual property

permission of the author Ashok Sawhny. Having said that,

The author is always open to proposals and can be contacted

via www.ashoksawhny.com