Жаңа Конституциядағы тіл мәселесі неге дауға айналды? Қостілділік қайдан шықты? Оны кімдер қолдады, кімдер қарсы болды? Тәуелсіздіктен кейін бір жылдан соң қабылданған жаңа Конституция мемлекеттік тіл дауын шеше алмады. Себебі неде? "Азаттық радиосына – 70 жыл" подкасының бүгінгі эпизодында осы туралы айтылады.

Азаттықтың "Жаншипа" психологиялық подкасының 16-эпизодында махаббат, екі адам арасындағы қарым-қатынас тақырыбын қозғап, қарым-қатынастың алғашқы этаптарынан үйленуге дейінгі кезеңді қамтыдық. Яғни, қарым-қатынасты қалай бастаймыз? Үй болғанға дейінгі мәселелерді екі тарап қалай шешкені жөн? Екі ғашық жеке шекараларын қалай түзу керек? Жалпы тату-тәтті, дұрыс қарым-қатынасты қалай бастаймыз? Бұл сауалдарға кәсіби психолог Әсел Исаханова жауап берді.

Қазақстанды ұзақ басқарған Нұрсұлтан Назарбаевтың алғашқы сайлаудан кейінгі қадамдары, тәуелсіздігін кеш жариялаған Қазақстанның ішкі-сыртқы саясатындағы алғашқы бағыт-бағдар, ядролық қару мәселесінің шешілмеуі, Назарбаевтың Вашингтоннан қайтар жолда Мәскеуге соғуы – "Азаттық радиосына – 70 жыл" подкасының бүгінгі эпизоды осыған арналады.

Трансшекаралық өзендердің суы тартылып жатқаны рас па? Мамандар болжағандай, су тапшылығы туындаса, суды талап ететін АЭС жобасы не болады?

Қазақстан тәуелсіздігін жарияламас бұрын Азаттыққа берген сұхбатында Нұрсұлтан Назарбаев не деді? Алғашқы жалпыхалықтық сайлау қарсаңында елдегі саяси ахуал қандай еді? Президенттікке кімдерді ұсынды? "Азаттық радиосына 70 жыл" подкасының бүгінгі эпизодында осы жөнінде әңгімелейміз.

Алматыда "Маусым" атты жоба аяқталды. Қаңтар оқиғасында асыраушысынан айырылған отбасылардың 17 баласы үш күн бойы сурет салуды үйреніп, көрмеге 30 картина дайындады. Жоба авторларының бірі Белла Орманбет (Орынбетова) пен балаларға сурет салуды үйреткен Мөлдір Сағындықтың әңгімесін Зере подкасынан тыңдаңыз.

Желтоқсан оқиғасынан кейін мәскеулік басылымға сұхбатында Нұрсұлтан Назарбаев Дінмұхаммед Қонаевқа неге қатты шүйлікті? Сұхбатты жариялаған журнал кейін Қазақстан кітапханаларынан неге жоғалып кетті? "Азаттық радиосы – 70 жыл" подкасында бұл жолы осы сұрақтарға жауап іздедік.

Азаттықтың "Жаншипа" психологиялық подкасының 15-эпизодында интернетке, әлеуметтік желіге тәуелділік мәселесін талқыладық. Желіге тәуелділікті қалай жеңеміз? Бала интернетке тәуелді болса, ата-ана не істеу керек? Желіге тәуелділіктің белгілері қандай? Міне, бұл сұрақтарға 20 жылдан аса тәжірибесі бар психолог Алтыншаш Матаева жауап берді.

Екі жоғары оқу орнын бітірген, мамандығы инженер биотехнолог, бұрынғы бизнесвумен Лейла Мұхитдинова тұтынатын заттарын саналы түрде қысқартып, минимализм және аскетизмге бет бұрған. Ол суды үнемдеу үшін канализациядан бас тартқан. Фудшерингмен тамақтанады.