Die Suid-Afrikaanse rand vertoon uiters goed teen veral die Amerikaanse dollar en neig na 16 toe. Die Amerikaanse dollar sukkel op die oomblik met beleggers wat veilige bates soos goud verkies en Amerikaanse bates verkoop as gevolg van onsekerheid. Sommige ekonome meen dat die wisselkoers verder kan verbeter na 15-iets teen die dollar en die Suid-Afrikaanse ekonoom Chris Hart het aan Kosmos 94.1 Nuus ook gesê dat dit verder verbeter.