Сустрэча Аляксандра Лукашэнкі і Ўладзімера Пуціна ў Санкт-Пецярбургу скончылася, паводле кіраўнікоў краін, канкрэтнымі дамоўленасьцямі. Падрабязнасьці, аднак, не раскрываюцца. Гэта дало падставы казаць пра поўную капіталюцыю Аляксандра Лукашэнкі перад Крамлём. Якія саступкі з боку Беларусі цікавяць Расею, і на каторыя зь іх можа пайсьці афіцыйны Менск. Госьці перадачы –аналітык цэнтра Астрагорскага і галоўны рэдактар онлайн-часопісу “Ідэя” Рыгор Астапеня ды блогер, сябра Рады БНР Алесь Чайчыц.

Ці пагражаюць пратэсты ў Беларусі стратай незалежнасьці? Беларускія пратэсты – народныя ці апазыцыйныя? На якія кампрамісы можа пайсьці ўлада і апазыцыя?

Гэтыя пытаньні ў перадачы «Трайны ўдар - Экспэртыза Свабоды» абмяркоўваюць мэнаджар кампаніі Kufar Міхаіл Сэндар і публіцыст і паліттэхноляг Аляксандар Фядута. Вядзе перадачу Юры Дракахруст.

.

Як можна ацаніць афіцыйныя і неафіцыйныя вынікі сустрэчы кіраўнікоў Беларусі і Расеі? Хто выйграў, а хто прайграў у выніку дасягнутых дамоўленасьцяў? На якія ваенна-палітычнаыя саступкі мог пайсьці афіцыйны Менск? На гэтыя пытаньні ў перадачы Экспэртыза Свабоды адказваюць палітычныя аглядальнікі Паўлюк Быкоўскі і Андрэй Паротнікаў. Вядзе перадачу Віталь Цыганкоў

Чым выкліканыя ператрусы ў менскіх офісах Белсату, чаму ўлады зноў пачалі перасьледваць гэты тэлеканал? Ці ня стаў Белсат закладнікам вялікай палітыкі паміж афіцыйнымі Менскам і Варшавай? На гэтыя ды іншыя пытаньні ў перадачы адказваюць прадстаўніца Белсату ў Менску публіцыстка Сьвятлана Калінкіна і намесьнік рэдактара газэты НН Зьміцер Панкавец.

Пасьля Дня Волі грамадзкія і палітычныя актывісты ў Беларусі канстатавалі, што ў грамадзтве зьнік страх. У гэтыя ж дні стала вядома, што электаральны рэйтынг Аляксандра Лукашэнкі складае 27%. Так вынікае з дасьледаваньня НІСЭПД. Ці маем мы справу з новай рэальнасьцю ў Беларусі за многія гады? І як гэтую рэальнасьць могуць выкарыстаць прыхільнікі пераменаў, каб зрабіць сваю працу больш эфэктыўнай?

Удзельнічаюць: Юры Губарэвіч Ганна Канюс, Стась Карпаў

Жорсткі разгон акцыі на Дзень Волі, масавыя рэпрэсіі ствараюць у краіне новую палітычную атмасфэру. Як яна паўплывае на адносіны паміж уладай і грамадзтвам? Які лёс эканамічных рэформ? Ці зьмяняецца статус апазыцыі?

Гэтыя пытаньні абмяркоўваюць дырэктар Інстытуту палітычных дасьледаваньняў «Палітычная сфэра» Андрэй Казакевіч і палітоляг Сяргей Нікалюк.

Вядзе перадачу Валер Карбалевіч.

Ці пойдуць беларускія ўлады на зьяўленьне ў краіне новых палітычных вязьняў? Ці вяртаецца пытаньне санкцыяў супраць афіцыйнага Менску ў палітычны парадак дня? На гэтыя ды іншыя пытаньні адказваюь палітычныя аналітыкі Валер Булгакаў і Андрэй Фёдараў.

Вядзе перадачу Віталь Цыганкоў

Як гістарычна мяняліся сэнс і фармат сьвяткаваньня Дня волі? Чым сёньня зьяўляецца 25 сакавіка -- сьвятам альбо падставай для акцыі пратэсту? Наколькі актуальныя ў наш час гістарычныя ідэалы і прынцыпы Беларускай народнай рэспублікі? На гэтыя ды іншыя пытаньні ў перадачы “Экспэртыза Свабоды” адказваюць Сяргей Харэўскі і Сяргей Дубавец.

Ці сьведчаць рэпрэсіі ў Беларусі пра тое, што Лукашэнка баіцца? Якой будзе рэакцыя Захада на хвалю рэпрэсіяў у Беларусі? Ці стане Расея галоўным выгадаатрымальнікам ад разьвіцьця падзеяў у Беларусі па жорсткім сцэнары?

Гэтыя пытаньні ў перадачы «Трайны ўдар – экспэртыза Свабоды» абмяркоўваюць аглядальнік польскага выданьня Dziennik Gazeta Prawna Міхал Патоцкі і дырэктар праграмы па Ўсходнім партнэрстве ЭЗ і Расеі ў Фінскім Інстытуце міжнародных адносінаў Аркадзь Мошас. Вядзе перадачу Юры Дракахруст.

Ці стануць беларуска-расейскія вайсковыя вучэньні Захад-2017 пагрозай беларускаму сувэрэнітэту? Чаму Аляксандар Лукашэнка заклікаў назіраць за гэтымі манэўрамі вайскоўцаў з НАТО? Ці аддалілася Беларусь за апошнія гады ад Расеі ў вайскова-палітычным супрацоўніцтве?

На гэтыя ды іншыя пытаньні ў перадачы “Экспэртыза Свабоды адказваюць палітычныя аглядальнікі Андрэй Паротнікаў i Арсень Сівіцкі. Вядзе перадачу Віталь Цыганкоў