Пытаньне для трох аналітыкаў.

Як будуць складвацца стасункі паміж Беларусьсю і Расеяй? Якія «чырвоныя лініі» Крамля для Беларусі і ці мяняюцца яны з цягам часу? Што ня зьменіцца ў двухбаковых стасунках?

Гэтыя пытаньні ў перадачы «Трайны ўдар - Экспэртыза Свабоды» абмяркоўваюць палітоляг, кіраўнік Цэнтру праблемаў эўрапейскай інтэграцыі Юры Шаўцоў і палітычны аглядальнік парталу TUT.BY Арцём Шрайбман. Вядзе перадачу Юры Дракахруст.

Пытаньне для трох аналітыкаў.

Чым выклікана і ці мае шанцы на посьпех кампанія па скарачэньні дзяржаўнага апарату, якая распачалася зараз у Беларусі? Што рабіць са шматлікімі кантрольнымі органамі, якія існуюць у краіне? Якое беларускае міністэрства можна было б скасаваць? На гэтыя ды іншыя пытаньні ў перадачы Экспэртыза Свабоды адказваюць былы міністар працы Аляксандар Сасноў і экспэрт Ліберальнага клюбу Яўген Прэйгерман. Вядзе перадачу Віталь Цыганкоў

Ці можна казаць, што Аляксанадр Лукашэнка падчас прэсавай канфэрэнцыі пацьвердзіў свае ранейшыя кансэрватыўныя погляды на сацыяльныя і эканамічныя пытаньні? Ці стала цяпер відавочна, што радыкальнага павароту ў замежнай палітыцы ня будзе, і Беларусь не зьбіраецца выходзіць з розных інтэграцыйных аб'яднаньняў з Расеяй? На гэтыя ды іншыя пытаньні ў перадачы «Экспэртыза Свабоды» адказваюць палітолягі Аляксандар Класкоўскі і Юры Чавусаў. Вядзе перадачу Віталь Цыганкоў

Радыё Свабода падсумоўвае сёлета стагодзьдзе падзеяў 1917 году. Мы хочам асэнсаваць іх значэньне для беларусаў і беларускай гісторыі. Цягам году ў нашым эфіры і на нашым сайце слухайце, чытайце і глядзіце матэрыялы рубрыкі "1917: Вынікі".

Сёньня госьці – гісторыкі Ніна Стужынская зь Менску і Андрэй Вашкевіч з Горадні.

Ці спадае хваля абурэньня дэкрэтам аб «дармаедах»? Ці не запозьненай будзе маніфэстацыя супраць дэкрэту, прызначаная на 15 сакавіка? Што ўзьнімае беларусаў на пратэст? Гэтыя пытаньні ў перадачы «Трайны ўдар - Экспэртыза Свабоды» абмяркоўваюць старшыня Беларускага прафсаюзу работнікаў радыёэлектроннай прамысловасьці Генадзь Фядыніч і заснавальнік гомельскага сайту «Моцныя навіны» Пётар Кузьняцоў. Вядзе перадачу Юры Дракахруст.

Аляксандар Лукашэнка заявіў, што можа забясьпечыць нават тысячу даляраў сярэдняга заробку ў Беларусі. Ці магчыма гэта пра цяперашнім стане беларускай эканомікі, якія палітычныя і структурныя наступствы могуць здарыцца ў выпадку штучнага росту заробкаў? Навошта кіраўнік дзяржавы робіць такія заявы, разумеючы іхнюю невыканальнасьць? На гэтыя ды іншыя пытаньні адказваюць эканамісты Міхал Залескі і Барыс Жаліба.

Расейскі палітоляг Андрэй Піянткоўскі заявіў, што ў Беларусі адбываецца спроба «гібрыднага перавароту». Палітоляг мяркуе, што ідэальная магчымасьць для гэтага – заплянаваныя на сакавік сумесныя вучэньні расейскіх і беларускіх войскаў. Гэтую тэму абмяркоўваюць палітолягі Вольга Харламава і Аляксандар Папко.

Ці залежыць узровень дэмакратыі ў краіне ад стаўленьня лідэра-мужчыны да жанчыны? Чаму шматмільённыя пратэсты супраць цяперашняга прэзыдэнта ЗША маюць пераважна жаночы твар? Які прыклад прэзыдэнцкай пары мог бы быць аптымальным для Беларусі? Удзельнічаюць: Ірына Саламаціна, заснавальніца і кіраўніца праекту «Гендэрны маршрут», праваабаронца, дэпутатка ВС 13-скліканьня Людміла Гразнова і экспэртка ў разьвіцьці бізнэсу Крысьціна Вітушка.

Як беларусы пры сваёй якасьці адукацыі прыдумалі Вайбэр, Маскі і «танчыкі»? Чаму ў Беларусі вучаць добра, а чаму – кепска? Як выглядае беларуская адукацыяў параўнаньні зь мінулым і з суседзямі?

Гэтыя пытаньні ў перадачы «Трайны ўдар - Экспэртыза Свабоды» абмяркоўваюць загадчыца катэдрай у менскім філіяле Расейскага сацыяльнага ўнівэрсытэту Сьвятлана Мацкевіч і эканаміст, кіраўнік дасьледчага цэнтру Мізэса Яраслаў Раманчук. Вядзе перадачу Юры Дракахруст.

Зь якой нагоды Расеі не падабаюцца апошнія крокі Менску -- бязвізавы ўезд для турыстаў і міграцыйныя цэнтры? Чаму Аляксандар Лукашэнка быў вымушаны назваць заявы расейскага боку “стогнам і лямантам”? Пра які стан адносінаў паміж Менскам і Масквой сьведчаць гэтыя заявы? На гэтыя ды іншыя пытаньні ў перадачы Экспэртыза Свабоды адказваюць аналітыкі Паўлюк Быкоўскі і Андрэй Паротнікаў Вядзе перадачу Віталь Цыганкоў