El HakimDar podcast

مرة أخرى يجي معايا صديقي ماكسن، ليبي امازيغي، تجمعنا حب القراءة سواء كتب فانتزي أو تاريخ او فلسفة، تكلمنا علي معنى أسمه و الثقافات المختلفة في ليبيا و شن يجمعنا أحنا كليبيين، و المعرفة و القراءة، شن غيرت فينا و شن حتغير.

حلقة جديدة مع صديقي يوسف فهمي.

ضيف الحلقة أستاذ أحمد الغرياني، مصور still life, و يعتبر من المتميزين في الgenre هدي، صاحب معرض طبيعة الصامتة "ضوء"، تحدثنا علي بدايته في مجال التصوير، كيف اتقنه، التعليم الذاتي و الموهبة و البلورة التي يصنعها التعليم الجامعي للفن، تكلمنا علي صناعة الافلام و دور السينما في تطوير المجتمع، حلقة دسمة شوية لكن بالنسبة ليا انا كنت سعيد في كل ثانية و انا نسجل، ان شاء الله تعجبكم و تستمتعوا بيها.

ضيوف الحلقة صديقي باوه ناصر باوه و أحمد الورفلي، صانع محتوى و مصور يخدموا في مجال الميديا، تكلمنا علي لما باوه كان شيف، و سبب قراره في انه يبي صناع محتوى، و تكلمنا علي دعم العائلة للقرار هدا سواء ليا و لهم.

عاصم الانصاري كاتب محتوى و خدم مع كم حركة كانت هدفها تصحيح الاخبار الكاذبة وقت فيضان درنة، تكلمنا في الحلقة علي البودكاست و صناعته، و تكلمنا علي أهم موضوع بالنسبة ليا و هو درنة و كيف ممكن نساعدوا توا. حكينا علي كتابة المحتوى كصناعة بالنسبة له، و تكلمنا علي الذكاء الاصطناعي.

حلقة جديدة مع صديقي ماكسن شنيب، من يفرن، بيطري و دكتور اسنان، عنده شغف اتجاه قصص fantasy و الكوميكس مارفل و دي سي، تكلمنا علي شغفنا اتجاه lord of the rings و الافلام و دورها في تحسين فكر المجتمع، انا استمتعت بالحلقة كان فيها ضحك و كلام بالنسبة ليا مهم، ان شاء الله تعجبكم. و اعطوني ارائكم.

حلقة اليوم مع صديقي محمد المقهور تكلمنا علي خدمة، مشروع تخرجه، المدينة القديمة، درنة و قضايا اخرى، و موسيقى تراثية جميلة. نتمنى تعجبكم.

حلقة 3 في tf podcast مع يوسف فهمي، بتاريخ 28 10 الي هو عيد ميلادي، حلقة متأخر لكن الريبراند خدي وقت شوية، تكلمنا فيها علي الطبخ و الخدمة و قضايا صايرة توا مهمة.

حلقة ثانية مع يوسف فيهم في "بودكاست توفيق و فهمي"، بعد العيد مباشرة و نعيدو علي بعض و نرمضنوا علي بعض.

هدي حلقة قديمة شوية.

حلقة من حلقات بودكاست Tf podcast